Gesonde Seks Blog

Blog oor Gesonde Seksualiteit

  • Home
    Home This is where you can find all the blog posts throughout the site.
  • Categories
    Categories Displays a list of categories from this blog.
  • Tags
    Tags Displays a list of tags that have been used in the blog.
  • Bloggers
    Bloggers Search for your favorite blogger from this site.
  • Login
    Login Login form
Timothy Kieswetter

Timothy Kieswetter

Timothy has not set their biography yet

1511

Soos tradisie neem ek my dogters uit op hulle verjaarsdae, net ek en hulle, pappa en dogter. Ons gesels oor make-up, lollos, cupcakes, prinsesse en eendag oor seuns, soene en seks. Maar vir nou is Tenike net eers drie jaar oud en lollos, dit is.

Dit wat ek seker die meeste hoor na “Ag, cute” wanneer mense uitvind ek het 5 dogters, is “ek hoop jy het ‘n haalgeweer”, waar op ek altyd antwoord “Nee moenie laf wees nie, ek maak selfstandige, selfversekerde seksuele meisies groot en nie “damsels in distress” nie.

Die pappas wat gewere moet koop om die seuns weg te jaag van hulle dogters het duidelik nie genoeg in hulle dogters se selfwaarde en seksuele identiteit belê dat hulle nie vir hulself eendag ‘n besluit kan maak nie. (Waar die “damsel in distress” aan die ander kant wat nie vir haarself ‘n besluit kan maak nie en wat so desperaat is om gered te word deur haar prins op ‘n perd)

Ek gaan geen seun eendag nie wegjaag met ‘n geweer of met my nie-goedkeurende kyk nie. (Watse stupid ding leer ons vir ons dogters in elk geval met die dat daar nie ‘n seun daar buite is wat haar verdien nie, hoekom nie? Is my dogter dan van goud gemaak? Is alles seuns sleg?

Bog met beide van dit. My dogters is nie engeltjies nie, hulle is dames. En nie alle seuns is slegs nie, al het hulle net een ding op die brein. Dit is hoe die mens aan mekaar gesit is. So as jy ‘n “Barbie pop” wil grootmaak dan moet jy haar maar van alles seuns weg hou want hulle almal is seksuele. Maar as jy ‘n meisie-MENS grootmaak moet jy maar vinnig besef hulle is ook seksuelewesens en ek praat nou nie van die seksuele-mens wat daar is om haar man happy te hou nie. Die vrou is ‘n seks-mens in haar eie reg.

En as jy jou dogter grootmaak om nie bang te wees vir die seuns daar buite nie, en ook nie met die idee dat haar pappa dink sy is ‘n barbie-pop nie, maar ‘n selfstandige selfversekerde seksuele meisie-mens, dan is daar geen rede vir jou om ‘n geweet te koop nie. Want dit is nie jy wat kies-en-keur of beskerm nie, want SY sal dit vir haarself kan doen.

My boodskap aan die toekoms seuns wat wil kom vlerksleep by my dogters, is eenvoud. “Bring jou A-game dude”, want ek het jaar in en jaar uit in my dogters ingebou dat hulle is kostbare, selfstandige, unieke, kragtige, sensuele, intelligente, vrouens wat enige iets kan word, bemag en droom. Saam met dit het ek ‘n standaard gestel van hoe ‘n man haar moet behandel, respekteer en admireer. So bring dit jong late, want enige iets minder as die awesomeness van wat hulle pappa is, gaan nooit die belangstelling van my dogters genoeg prikkel om jou toe te laat om haar op ‘n 2de date te neem.

 

Hier wil ek ook ‘n waarheid/waarskuwing vir die ander pappas daar buite gee. Ek sien dit so veel in my berading dat baie pappas het baie goeie verhoudinge met hulle dogtertjies wanneer hulle klein is, maar sodra hulle puberteit slaan en in vrouens verander, onttrek die pa’s en sê snert soos: “Jy sal altyd my klein dogtertjie bly”

Hey! Word wakker pappa. Jou dogtertjie is nie ‘n Barbie-pop nie. Sy is nie gemaak van porselein nie. Sy is ‘n kragtige, dinamiese, sensuele vrou. En as jy dit nie kan raak sien en admireer en komplimenteer nie, gaan sy versoek wees om hierdie deel van haar mens-wees by die seuns daar buite tegaan kry.  (Dan het jy ‘n geweer nodig. Maar nie omdat die seuns daar buite sleg is nie. Maar eerder omdat jy as PA nooit jou dogtertjie as ‘n VROU raak gesien het nie.)

 

Dalk moet ek tog ‘n boek eendag skryf oor hoe om gesonde seksuele dogtertjies groot te maak. 

6258

 

 

Kom ons begin gou om so paar mites te breek.

1. Om ‘n man sleg te laat voel en hom te vertel hoe laag hy is omdat hy porn kyk gaan hom nie keer om weer te kyk nie.

2. ‘n Man se porn verslawing het niks te doen met hoe begeerbaar hy sy vrou vind nie.

 

Porn is ‘n fantasie wêreld. Dit is hoekom dit beide nie ‘n groot probleem is nie, maar ook ‘n reuse probleem.

 

Die vrou moenie haarself vergelyk of jaloers raak met porn nie, want dan bring sy haar realiteit in haar man se fantasie wêreld in. En as daar ‘n kompetisie is tussen regte wêreld en fantasie wêreld, gaan die fantasie wêreld elke keer wen. Want die gras in so veel groener aan die ander kant.

 

So my boodskap aan vrouens is: moenie jou man se porn verslawing op jou trek nie en toelaat dat iets waarmee jou man worstel, jou minderwaardig laat voel.

 

Dit is sy stryd, sy worsteling, sy verslawing.

 

Moenie vir een sekonde toelaat dat dit by jou vrouwees steel nie.

 

Terug tot hoekom mans porn kyk.

Die beste manier om dit te verstaan is om porn te vergelyk met fastfood soos McDonalds en KFC. Niemand eet fastfood vir sy voedingswaarde nie. Jy koop dit omdat dit gerieflik, gemaklik, goedkoop en beskikbaar is. Ons het in ‘n kitskos samelewing verval.

Ons lewens is so besig dat ons nie meer genoeg tyd het, of maak, om kookkos te maak, om ‘n tafel te sit en saam te eet nie. En vir die vitamine en minerale wat ons nie meer in ons kosse kry nie, neem ons maar net ‘n pilletjie.

 

So ook het ons samelewing die gesonde gesin gekniehalter. Ons het nie meer tyd vir mekaar nie, en wanneer ons saam is en gesels, het een van ons altyd ‘n selfoon in die hand besig met ‘n ander gesprek op Facebook. Omdat ons dan ons emosionele konneksie verloor, voel ons nie altyd lus om nog ons alles te gee in die slaapkamer nie. En as ‘n huwelik se sekslewe eers afneem, kan jy maar seker wees dat dit die res van die huwelik gaan saam aftrek.

 

Fastfood is ‘n simptoom van ons gejaagde lewe, so is porn ‘n simptoom van emosionele diskonneksie.

 

Die emosionele diskonneksie begin nie met die huwelik nie, dit begin met jouself. Die meeste mans wie ek sien wat verslaaf is aan pornografie, gebruik porn om ‘n emosionele vraag te beantwoord.

 

Is ek goed genoeg?

Is ek begeerbaar genoeg?

Is daar geluk daar buite vir my?

 

Nou dat ek daaraan dink, is dit seker dieselfde redes hoekom so baie vrouens dit geniet om Mills and Boons te lees. Dit antwoord die vraag “Hoe kon my lewe anderste gewees het?”

Hierdie is ‘n normale vraag en ons almal wonder soms of dinge anderste sou uitgedraai het vir ons. Maar totdat ons nie ‘n plek van innerlike vrede met ons hier en nou kan vind nie, sal daar altyd ‘n emosionele vraag wees wat fastfood en pornografie vir ons sal beantwoord.

 

Skryf in by ons Gesonde Seks Mentorskap program waar ons 24 verskillende aanlyn kursusse het wat jou gaan kan leer hoe om jou seksualiteit beter te verstaan en gesonder te bestuur in jou huwelik.

 

 

3458

2015 was die jaar wat die meeste toevlugsoekers op gelewer het ooit in die geskiedenis van die mens. Ek het ‘n syfer van 20 miljoen gehoor. Ek weet baie van ons in Suid Afrika voel asof ons toevlug wil vind oorsee, maar hierdie 20miljoen mense vlug nie ‘n ongemaklike lewe en dalende ekonomie nie, hulle vlug hongersnoot, oorlog, en natuurrampe.

Ek voel ook dat hierdie toevlug tema van 2015 het ook homself gemanifesteer in baie huwelike, maar ek bid dat 2016 ‘n terugkeer na vrede sal wees vir die meeste van hierdie huwelike.

Baie paartjies het dit “quits” geroep in 2015 en heelwat paartjies gaan 2016 in met vyandskap in hulle harte teenoor mekaar. As hierdie vyandskap teenoor mekaar nie terugkeer tot ‘n plek van rus en vrede nie, gaan jou huwelik jou dood beteken.

So hier is twee verskillende maniere hoe jy vrede kan vind in jou huwelik.

 

1. Gaan in vrede(lech b’shalom)

 

Hierdie is die mees algemeenste seëning wat ons vir mekaar sê, maar toe David dit vir sy seun Absolom sê het sy seun gesterf. RIP (Ek is seker so paar van julle het ‘n Whatsapp boodskap nou vir jou skoonma gestuur “Gaan in vrede”)

Maar dit is presies in hierdie “lech b’shalom” - gaan in vrede (RIP) waar ons ons eerste waarheid vind hoe om vrede in ons huwelik te kry.

Deur om self dood te gaan. Deur om ons sterk wil te kruisig. Deur om ons hardnekkige standpunt op te gee. Deur om ons reg op te gee. Deur om ons verharde hart te versag.

Jy mag dalk dink, “maar, Timothy, ek is in die reg. Hoekom moet EK die een wees wat in vrede gaan?”

‘n Huwelik gaan nie oor om die magstryd te wen, of die argument of die “battle of the sexes” nie. Dit gaan oor om in ‘n toestand van rus en kalmte te lewe. En om dit soms reg te kry, moet ons die eerste wees, om ons wapens neer te lê en die wit vlag om hoog te hys.

Is jy bereid om die nuwe jaar in te gaan met “lech b’shalom”? Is jy bereid om in vrede te gaan oor die ding wat julle in 2015 van bed en tafel geskei het?

Gaan dan in vrede.

2. Gaan na vrede (lech l’shalom)

Klein grammatikale verskil, maar ‘n reuse verandering in betekenis. Jetro het hierdie vir sy skoonseun Moses gesê nadat hy hom vertel het van die brandende bos. Jetro het Moses die nodige skop onder sy gat gegee om hom uit sy plek van (rus) (wegkruip) te laat kom. Ons ken mos Moses se storie. Hy het iemand dood gemaak in Egipte en toe gevlug vir sy lewe en gaan “settle” (rus) (wegkruip) in die land van die Midianiete. Daar het hy “vrede” gevind van sy konflik, maar God het hom weer terug gestuur na sy konflik toe en sy skoonpa het dit geweet, daarom het hy hom met “lech l’shalom” geseën. Gaan na vrede.

Sien, vrede is nie noodwendig ‘n plek weg van konflik nie, nie as daardie konflik iets is wat jy geroep is om deur te sien nie.

Moenie die eerste “gaan in vrede” wat ‘n neerlê van wapens verwar met die versoeking om alles net onder die mat in te vee nie. Soms het jy nodig om NA jou vrede te gaan en dit beteken om terug te gaan na die plek van konflik toe, sodat jy dit dalk vir die eerste keer suksesvol kan verwerk.

Gaan IN vrede en gaan NA vrede is nie ‘n plek van ontkenning en maanskyn en rose nie. Dit is ‘n plek waar jy die situasie kan lees en die korrekte “response” kan lewer.

Om dit te kan reg kry, gaan jy baie stiller moet word en rustigheid in jou eie siel moet vind, voordat jy vrede in jou huwelik sal kan geniet.

Vind vrede eerstens in en met jouself.

So voordat jy die krag sal kan hê om die minste te wees en iets te laat gaan of konflik met oop oë te trotseer en die wysheid om te weet wanneer jy IN vrede moet gaan en wanneer jy NA vrede moet gaan, MOET jy eers inner VREDE vind.

En om vrede in en met jouself te vind, moet jy ook die beginsels van “lech l’shalom” en “lech b’shalom” toepas.

a. Het jy iets in jou verlede wat jy ronddra soos ‘n hond wat nie die been wil laat gaan nie? Die “issue” is al lank al dood en almal betrokke het al reeds lank terug aanbeweeg, maar nie jy nie. Jy sit nog vas. Jy kan dit nie laat gaan nie. Jy het vasgehak by daardie spesifieke seer en dit het jou hele lewe begin oorneem.

As jy jouself in hierdie situasie bevind, bid hierdie woorde oor jouself soos wat jy dit hier lees.

“[Eie naam] ek seën jou vandag met “lech ‘b shalom” dat ek IN VREDE mag gaan. Ek lê hierdie [noem jou situasie by naam] nou neer in die geloof dat die Here vir my krag sal gee om 1 Korintiërs 1:3 (Genade vir julle en vrede van God onse Vader en die Here Jesus Christus!) ‘n waarheid in my lewe en ‘n getuienis van God se genade kan maak. Van vandag af, sal ek nie weer hierdie [noem dit by naam] ou koei uit die sloot op grawe nie en dat die Here my sal genees van die emosionele pyn wat ek van dit gekry het.”

 

Gaan nou IN vrede die Nuwejaar in.

 

b. Het jy dalk iets in jou verlede wat jy weet voor jou siel jy van weghardloop?  ‘n verhouding? ‘n vriendskap? ‘n besigheidsvennoot? ‘n ooreenkoms? ‘n belofte? ‘n jammer sê? ‘n om verskoning te vra? ‘n roeping van die Here? ‘n huweliksplig?

As jy hierdie persoon is wat soos Moses gevlug het weg van konflik, maar konstant herinner word in jou siel en gees van die “Egipte” in jou verlede, bid ek vir jou die seëning van “lech l’shalom” gaan NA vrede toe.

Bid hierdie woorde oor jouself.

“[Eie naam] ek seën jou vandag met “lech l’shalom” dat ek die krag sal kan hê om NA VREDE te gaan. Ek neem op my verantwoordelikheid om hierdie [noem die situasie of persoon waarvan jy gevlug het hier] aan te spreek en dit deur te sien. Ek bid dat God my krag sal gee om my konflik en verlede te trotseer en vir my genade sal hê, sodat 1 Korintiërs 10:13 (God is getrou, wat nie sal toelaat dat julle bo julle kragte versoek word nie) ‘n waarheid en getuienis in my lewe sal word.

Gaan nou NA jou vrede die Nuwejaar in.

 

 

 

 

10095

Hierdie is seker een van die mees algemeenste seks probleem in ‘n huwelik. Die een is altyd meer lus as die ander een. (En nee dit is nie altyd die man wat meer lus is nie. Seks is ‘n mens ding nie ‘n man ding nie.)

Kom ons begin om jou nommer aan jou lus te koppel.

‘n No.10 is iemand wat die heeldag, aldag, dwarsdeur die dag, asook soms in die aande, seks kan hê. (Let op lus het niks te doen met wat prakties moontlik is of selfs gesond is nie, ons fokus slegs hier op die lus gevoel = jou libido.)

Dan is daar mense wat in my spreekkamer vir my sê as hulle nooit weer seks in hulle lewe hoef te hê nie, is hulle gelukkig. Okay jou lus is dan ‘n 0 op ‘n kontrak.

 

 

Gee vir jou lus ‘n nommer: 3, 5, 7, 9

Koppel ook ‘n nommer aan jou maat se libido.

 

Is julle naby mekaar?

Ver weg van mekaar?

O gats, ons het dalk ‘n probleem!

 

Nou daar is verskillende faktore wat ‘n invloed het op ‘n persoon se libido en as jy my boek“Gesonde Seks” lees sal jy ‘n duideliker prentjie daaroor kry. Maar vir hierdie artikel wil ek slegs fokus op die biologiese faktore van hormone. Dit is nie iets wat van buite die persoon kom nie, dit is nie dat die persoon pervers of aspris daaroor dink nie of aspris seks blok nie. Hierdie is jou liggaam se gewone vervaardiging van sekere hormone wat jou lus maak.

 

Die beste manier om dit te verduidelik is om jou seks lus te vergelyk met jou eet lus.

  • Sommige mense is konstant honger. Altyd lus om te eet.
  • Ander mense nou weer kan die hele dag gaan sonder om te eet.
  • Party mense wag totdat die honger so groot opgebou het dat hulle die naaste “fast food” burger gryp en dit verslind.
  • Waar sommige mense lank voor hulle honger raak begin kos maak en eet, voordat hulle daardie kol op hulle maag bereik.

 

Maar niemand van ons eet slegs omdat ons LUS voel om te eet nie. Ons eet want ons weet:

  • Dit is nodig vir ons om gesond te bly (ons liggame is gemaak om met kos te funksioneer).
  • Dit is lekker om te eet (ons liggame beloon ons met goedvoel hormone wanneer ons eet) en
  • Dit is sosiaal aanvaarbaar om te eet, daar is geen stigma of taboe gekoppel aan eet nie.

 

Seks aan die anderkant geniet nie dieselfde sosiale aanvaarbaarheid nie, die taboe is nog groot. Ons het al baie stories gehoor of selfs beleef hoe seks ons seer gemaak het, so dit is nie meer so lekker nie. Dan die belangrikste van als is dat ons glad nie genoeg gesonde en akkurate informasie oor seks ontvang het nie. Ons is dwaas oor die feit dat ons liggame en huwelike seks nodig het.

 

So omdat die spasie waarin seks in ons lewens plaasvind nie dieselfde ruimte geniet soos ons kos etery nie, word daar baie meer klem geplaas op die LUS van seks as die lus van kos. Bv. Wanneer jy in die oggend vir jouself ontbyt maak, spring jou vrou nie op en sê “Is jy al weer lus vir kos? Jy het net gisteraand ‘n groot bord kos gehad. Gedra jouself asb. Jy eet soos ‘n vark.”

 

Nee, niks van dit nie, maar durf die man of vrou net weer ‘n “move” maak om sy of haar seksuele lus te kommunikeer, word die LUS gesien as LUST. Daarom die persoon met ‘n natuurlike hoër libido as sy maat, voel konstant veroordeel om so vleeslik te wees die hele tyd. Hierdie persoon loop met skuld rond wat sy lus net al hoe nader dryf aan daardie “fast food” produkte.

 

Die persoon aan die laer kant van die libido spektrum sukkel ook om verby die absolute fokus op seksuele lus te kom. As ‘n persoon wat ‘n nommer 4 libido het, moet wag totdat hulle LUS genoeg raak om alles te los wat hulle doen en liefde te maak met hulle maat, is ek jammer om vir jou te sê, jy gaan LANK wag. ‘n Nommer 4 golf is nie sterk genoeg om alles te los en passievolle seks te inisieer nie.

 

Beteken dit dat hierdie lae libido persoon nooit passievolle seks kan geniet nie?

Nee, glad nie, dit is nie wat ek sê nie. Daardie persoon sal net nooit vanself daardie tipe seks inisieer nie.

 

Daar is geen skaamte in die feit om ‘n lae libido te hê nie, maar dit is ‘n jammer te dat baie lae libido mense self dood gaan van hongerte. Die hoeveelheid van LUS wat jy voel is NIE ‘n indikasie van hoe baie jy seks nodig het of selfs geniet nie. As jy ‘n persoon is wat nooit oorval word met seksuele LUS nie, aanvaar dit so, maar moenie seks dan net so laat vaar nie.

 

Wees jy dan die persoon wat lank voordat jy oorval word met die honger, al begin plan maak wat julle gaan eet vanaand. Iets wat altyd vir my uitstaan wanneer ek vir die lae libido mense die vraag vrae geniet hulle seks wanneer hulle eers “into it kom” (wow daar is baie fout met daai sin), antwoord die meerderheid altyd JA, BAIE.

 

So moet nooit weer jou LUS koppel aan seksuele plesier of inisiëring daarvan nie. Maak vrede dat jy nou maar iemand is wat seks gaan inisieer, beplan en aan dink met jou hoof en nie met jou kop nie.

 

In dien jy meer belangstel om jou en jou maat se seksualiteit beter te verstaan, kry my nuwe boek"Gesonde Seks" by jou naaste boekwinkel of direk vanaf my website www.gesondeseks.co.za

Gratis Eboek

Het jy al jou GRATIS e-Boek gedownload?


Jy kan die gratis ebook kry vol wenke en idees om die CEO van jou Huwelike te wees. Lees meer hier.

Twitter Feed

Kontak Ons

Adres:

698 Picassostraat, Moreletapark, Pretoria

Beradings ure:

Ma - Vr: 9:00 - 16:00

Telefoon:

Tel: 086 111 2329

Sel: 082 565 7373

Faks: 086 224 5948

Bly in Kontak

Volg ons op Twitter en Facebook.

Top