Gesonde Seks Blog

Blog oor Gesonde Seksualiteit

  • Home
    Home This is where you can find all the blog posts throughout the site.
  • Categories
    Categories Displays a list of categories from this blog.
  • Tags
    Tags Displays a list of tags that have been used in the blog.
  • Bloggers
    Bloggers Search for your favorite blogger from this site.
  • Login
    Login Login form
Timothy Kieswetter

Timothy Kieswetter

Timothy has not set their biography yet

6397

 

 

Ek is nie iemand wat gewoonlik praat van ‘n blow job nie. Professioneel praat ons eerder van orale seks, al is die wetenskaplike naam fellatio. En alhoewel al 3 hierdie benamings na dieselfde seksuele aktiwiteit verwys, wek dit 3 verskillende emosionele reaksies by ons op.

Blow job, is die lelikste een van die drie. Dit het dadelik ‘n vuil en amper pornografiese energie wat dit opbring. Baie getroude vrouens word sommer dadelik afgesit met hierdie woord.

Orale seks, is iets wat die getroude vrou meer geniet. Dit dra darem steeds intimiteit en voel nie goedkoop nie.

Fellatio, aan die ander kant, is wat vrouens vir hulle mans sal gee, wanneer hulle self nie lus het nie, en net gou vir hulle mans wil uithelp en/of keer dat hulle nie begin rondloop nie. Fellatio is ‘n werk, dit is koud en het nie baie emosies rondom dit nie. Ek doen dit met dieselfde tipe energie en lus as wat ek die huis skoonmaak, skottelgoed was en klere struik.

 

Elkeen van die 3 verskillende orale seksuele aktiwiteite het sy plek in ‘n gesonde huwelik, wat spog met ‘n vervulde sekslewe. En in opvolg artikels sal ek meer uitbrei oor die orale seks en fellatio dinamika van orale stimulasie, maar vandag wil ek met jou praat oor die sielkunde agter ‘n goeie blow job.

 

Ons almal bestaan uit ‘n “masker” en ‘n “shadow”. Ons masker gedeelte is die deel van ons menswees wat ons vir die wêreld wys en wie ons strewe om te wees. Dit is die volwasse en “soet” deel van wie ons is en wat gemaklik in die samelewing inpas.

Ons shadow, aan die ander kant, is wat ons oor skaam voel en met alle geweld wil wegsteek van die samelewing, uit vrees dat as enige iemand sien wat ek regtig dink of voel, sal ek verwerp en gekruisig word.

Maar maak nie saak hoe sterk jou masker is nie, jy sal nooit kan afskeid neem van jou shadow nie. Om mens te wees beteken om beide masker en shadow te wees en iewers tussen die spanning van die twee, waardigheid te vind vir ons en die mense met wie ons in kontak mee kom.

 

Graag wil ek nog ‘n konsep aanraak. Perfekte liefde wat onvoorwaardelike aanvaarding bring. Hoe meer aanvaarding ons voel, hoe gesonder kan ons deur die lewe gaan. Hoe meer verwerping ons mee rondloop hoe meer buite beheer gaan ons gedrag raak, in ‘n vorm van rebellie om die feit te protes dat ek nie goed genoeg is nie.

 

Alle aanvaarding en liefde is lekker, maar nie alle aanvaarding en liefde is dieselfde nie.

As jy iets goed doen, en jy ontvang aandag en liefde daarvoor, met ander woorde ons masker word geprys, voel ons natuurlik goed, maar nie regtig te veel nie, want ons verwag dit. Natuurlik kry ek prys, ek het dan iets reg gedoen.

Maar wat gebeur as jy aanvaarding en liefde ontvang wanneer jy iets verkeerd gedoen het. Met ander woorde, wanneer jou shadow gesien word en nie geoordeel en geskaam word nie. Wat beteken liefde en aanvaarding dan vir jou wanneer jy eintlik straf en oordeel verwag?

Natuurlik is daai liefde en aanvaarding baie meer intens tot wie ons is as dít want ons masker ontvang. Want nou weet ek die liefde en aanvaarding is nie gekoppel aan wat ek gedoen het nie, maar aan wie ek is, afsonderlik van my gedrag.

En dit is wanneer ‘n masker ‘n shadow kan aanvaar en liefhê, dat ons werklik veilig voel in ons verhoudinge en huwelik.

 

En orale seks is die beste om hierdie diep sielkundige boodskap aan mekaar te kommunikeer. My gesig is my masker - daarom sit ek grimering op en skeer my baard, sodat ek mooi lyk en vir die wereld.  My genitalieë is my shadow, daarom steek ek dit weg, sodat ek nie verwerp word deur die wereld nie.

 

So wanneer ons tydens orale seks jou simboliese masker op my simboliese shadow sit, vorm daar ‘n diep intieme konneksie wat elke gesonde huwelik nodig het.

 

En dit is wat ‘n blow job is. Dit is my masker wat vir jou shadow plesier gee en aanvaar.

Daarom is blow job so bietjie vuil, lelik en goedkoop. Want dit verteenwoordig ons shadow. En as jou huweliksmaat vir jou ‘n blow job kan gee, is daar ‘n diep rustigheid wat gebeur in ons binneste. ‘n Rustigheid dat ons okay is. Dat ons nie net masker hoef te wees nie, dat ons shadow ook ‘n regmatige plek in ons holistiese menswees het.

 

 

 

1016

Wat ‘n depressiewe artikel om die jaar mee te begin. Praat van piepie op ‘n man se vuur. As jy nou al ‘n rukkie my volg en van my boeke en show gelees en gekyk het sal jy agterkom dat my styl is nie die verdere opbou van korttermyn fantasieë en Cinderella stories nie, maar om oop oë deur die lewe te gaan, met volhoubare veranderinge.

Kom ons begin met daai woord: veranderinge. Ons almal sal wil hê ons huweliksmaat moet verander op een of ander vlak. Sommige van ons wil aan onsself ook verander. Maar verandering is moeilik, self onmoontlik.

Die rede hoekom ons nie kan verander nie, is want die huis word gebou op die fondasie. Jy kan nie aan die huis werklik verander as jy nie aandag aan die fondasie gee nie.

Daarom hou maar op om te probeer verander en fokus eerder om te GROEI.

Groei kan ons wel doen. Dit neem dalk langer, is meer emosioneel uitputtend, maar dit gee vir ons ‘n langer termyn nuwe mens.

Die grootste verskil tussen verander en groei is dat mense wat wil verander, stel net belang om hulle gedrag te verander en niks anderste nie. Die manier van dink, emosionele erkenning en kinderjare se onderdrukte trauma word nie aangeraak nie.

Om werklik te verander, met ander woorde om te groei, moet jy jou denke vernuwe, jou emosies erken en absoluut jou kinderjare se trauma verwerk.

 

Met dit ingedagte hier is die 3 algemene foute wat ons maak wanneer ons Nuwejaarsvoornemens maak.

 

1)     Ons maak te veel.

Om lysies op te trek is baie goed vir as jy nie iets wil vergeet tydens jou weeklikse kruideniersware inkopies nie, maar nie wanneer dit kom by self-verbetering nie. Wanneer ons aan onsself wil verander, kyk ons krities na onsself. Hierdie is baie moeilik vir die ego om te hanteer, want dit voel asof ons, onsself aanval.

En wanneer ons met ‘n hele lysie van dinge vorendag kom met kritiese veranderinge, gaan die ego in ‘n shut-down mode waar hy homself net wil beskerm, wat ons los met gevoelens van minderwaardigheid en selfbejammering.  Wat mens nou sou laat dink dit is al hoe meer rede en motivering om dat te verander, maar dit werk teen ons, en ons sement net verder ons ongewenste gedrag verder in.

Maak dit maklik op jouself. Maak ‘n lysie van net EEN ding wat jy graag in wil groei en fokus net op dit. Aanvaar die res van jou ego nes hy is, die goeie, slegte en lelike van hom. (vir nou!)

 

2)     Ons doen dit vir verkeerde redes.

Wanneer ons aan onsself wil verander om iemand anderste gelukkig te maak, gaan dit nooit volhoubaar kan bly nie. Ons moet groei in ons menswees en in die areas wat ons ongewenste gedragspatrone toon, vir onsself.

Sodra ons verandering gekoppel is om iemand anderste se aandag, aanvaarding en liefde te ontvang, kommunikeer ons weer net een ding aan onsself: “Ek is nie goed genoeg nie.”

En met hierdie boodskap gerig na ons siel toe, gaan ons sukkel om die energie te kry om ware groei te toon.

Maak ‘n besluit om op hierdie een ding op jou lysie te fokus, omdat JY daarin groei wil sien. Praat dit deur vir jouself.

Hoekom wil ek hierin verander?

Hoe gaan my lewe verbeter as ek in hierdie area groei kan toon?

 

3)     Die Wil is soos ‘n spier

Die Wil van die mens kan ons beter verstaan deur om terug te kom tot die voorbeeld van die fondasie van ‘n huis en die verskil tussen verander en groei.

As ek nooit aan my siel se pyn aandag gee nie, gaan ek altyd met my Wil ‘n override knoppie moet druk om my gedragspatrone in ‘n seker begeerbare rigting in te stuur. Die probleem egter is dat ons Wil, is soos ‘n spier, in die feit dat dit moeg word.

Enige persoon wat gym toe gaan kan net vir ‘n seker tyd oefen voordat sy spiere nie meer kan nie. So is dit ook so met ons gedragspatrone. As ons nooit ons kinderjare trauma verwerk nie en net fokus om te doen wat ons WIL doen om die verandering in ons met pure wilskrag te WIL, gaan dit net ‘n kwessie van tyd wees voordat ons wilskrag-spier moeg is en net nie meer kan nie.

Dit gaan veroorsaak dat ons terugkeer tot ons ongewenste gedragspatrone, ten spyte van ons sterk WIL om te verander.

En al wat dit weer aan ons siel kommunikeer, is weereens dat jy nie goed genoeg is nie.

 

 

So hê ‘n bietjie meer genade vir jouself in 2018 en gee tyd om ware groei in jouself raak te sien soos wat jy fokus net op een nuwejaarsvoornemens.

974

Kaapstad is volgende om Timothy Kieswetter se nuutste opvoedkunidge komedie “Kinders by Dosyne” te sien.

20, 21 Oktober | 19:00 | Hoërskool Durbanville Ouditorium | iTickets | R150 

 

Hier is van die mense se terugvoer wat die openingsaand in Pretoria gesien het.

“Hulle sê laughter is the best medicine.... en ekt meer gelag gistraand as wat ek in 'n hele jaar gelag het! En dit vir die simpel goed wat my by die huis teen die mure uitdryf. "Celebrate the poop people!!"(inside joke-jy sal die show moet kyk!) so Timothy, dankie vir al die geld wat jy my spaar op happy pills, I'm good to go 
Ek hoop daar's 'n opvolg!!!”

“Timothy! Jyt jou game geup!!!! Wat 'n show die Stripshow was awesome, maar my maag spiere is vanoggend nog seer na Kinders by Dosyne! 'n Moet sien vir enige iemand met kinders in hulle lewe! Soveel waarheid in 'n bondel grappies. Almal moet dit kyk!” 

“Ek het nog nooit so lekker gelag en geleer terselfde tyd. Die show is soooooo spot on!!! Wat lekker is ‘n mens kan relate tot als. Ek het baie geleer en gaan beslis ‘n ding of 3 verander. Ek dink hierdie “Kinders by Dosyne” is Timothy Kieswetter se beste show nog ooit. Ek het dit so baie geniet. Dit is ‘n aanwins vir almal wat reeds kids het of wat even nou eers swanger is. #bestshowever” 

Kom lag en huil saam met my in my nuwe opvoedkundige komedie “Kinders by Dosyne” oor die uitdagings van moderne ouerskap en hoe om nog tyd te vind vir mekaar in die huwelik. Ek gaan vir jou die top 10 opfoeters uitwys wat ons as ouers onbewustelik doen teenoor ons kinders, wat eintlik hulle net opfoeter.

20, 21 Oktober | 19:00 | Hoërskool Durbanville Ouditorium | iTickets | R150 

P.S die 20ste Oktober is ‘n LIVE DVD opname, so as jy lekker kan lag, kom sit sommer heel voor.

Kliek hier vir jou kaartjies: https://itickets.co.za/events/383129

1064

Kind Dissipline

Deel van ouerskap is om dissipline in die huis te leer. Dissipline het twee aspekte; 1) straf en 2) rigting aanwysing “guidance”.

Ek is nie ‘n groot “fan” van die straf gedeelte nie. Dit voel vir my ‘n bietjie uit oude doos uit. Ek glo ons is vandag emosioneel baie slimmer as dit en daarom vind ek baie meer voordeel in die tipe dissipline wat rigting aanwys en “guidance” gee vir die kind. (Staf is nie dieselfde as paksla nie, maar ek sal later meer oor paksla praat.)

Dissipline moenie vir jou kind leer wat hy of sy verkeerd gedoen het nie, maar eerder vir jou kinders leer wat om reg te doen.
Sien jou kind as ‘n klein boompie en die “guidance”-dissipline wat jy vir hom gee is die stok wat langs die boom in gedruk is om sekuriteit, beskerming en hulp te verleen om reguit te groei. Hierdie tipe dissipline, gee vir die boompie kans om eendag in ‘n groot boom te groei wat gesond en sterk is.

Waar straf-dissipline wat hoofsaaklik fokus op wat ons verkeerd doen, is soos om die klein boompie in ‘n baie streng en klein wettiese en straf boksie te sit. Die toekoms van hierdie boompie is beperk tot die spasie van die straf, oordeel, beperkings, verwerping, self-betwyfeling en trauma wat hy in geplant was en gaan opeindig om ‘n bonsai boompie te word.

 

Wat van pakslae?

My pa het altyd gepreek dat jy die rottang van wysheid moet neem tot die agterend van verstand, om ‘n boodskap in die brein te kry. Baie gewilde dissipline-styl, dit is selfs genoem in die Spreuke 23:13 “Moenie bang wees om jou kind te dissiplineer nie. Hy sal nie doodgaan van ‘n pakslae nie.”

Kriteria van ‘n gesonde pakslae. Jou kind mag nie daarvan doodgaan nie.

Baie ouers neem hierdie een vers en regverdig ‘n pakslae uit woede, maar soos wat ons altyd die Bybel as geheel lees en nooit net een vers ‘n dogma maak nie, geld dit vir kind dissiplinering ook.

Efesiërs 6:4 sê: “Pa’s, moenie julle kinders so behandel dat hulle verbitterd word nie, maar voed hulle op met dissipline en teregwysings wat die Here se goedkeuring wegdra.”

Baie keer gee ons vir ons kinders pak nie omdat dat dit vir hulle help of leer nie, maar net ons help om van ons woede, frustrasie en vernedering ontslae raak. Maar dit is verkeerd. Kind dissipline moet voordeel vir die kind in hou en nie vir jou nie.

Ons mag nooit uit ‘n plek van frustrasie, woede of vernedering jou kind tugtig nie, want dan gaan dit meer oor jou as wat dit oor jou kind gaan.

Dit laat my dink aan my kinderjare toe ek my pa hoor preek het oor hierdie onderwerp van pakslae. Hy het gepreek dat jy nooit jou kind mag pakslae gee wanneer jy kwaad is nie, wag maar eerder net 5 minute en dan tugtig jou kind. Die pakslae sal dan meer regverdig wees tot die kind se oortreding. Nou ek het nie altyd geluister in die kerk nie, maar hierdie preek het ek gevoel gaan ek kan gebruik in die toekoms. Dit was nie eers ‘n week later nie, toe ek weer my suster in trane het en ek histeries van die lag. My pa was so kwaad vir my gewees dat hy my dadelik gekonfronteer het met sy belt in sy slaan hand. In plaas van vrees wat gewoonlik my emosies oorneem teen die tyd, het ek vrede in my hard beleef en selfs geglimlag. Hierdie het my pa egter net meer briesend gemaak en vir my gevra/skreeu wat vind ek so snaaks?

Ek antwoord toe my pa oor hierdie baie goeie preek wat ek van hom gehoor het, dat hy nie mag pakslae gee terwyl hy kwaad is nie en dat hy eers 5 minute moet wag.

Hy storm toe by die kamer uit, sekerlik om daai preek uit sy leer te gaan skeur, maar dit het darem vir my genoeg tyd gegee om kamer toe te hardloop om al die onderbroeke in my klerekas te gaan aantrek.

Sien my pa kon regtig kwaai wees sonder om ons pakslae te gee. My pa hoef net hard met ons te geraas het en dit het alreeds die vrees van die Here in ons tuisgebring. Pakslae bo op dit was soms net te veel. Waar my ma aan die ander kant nodig gehad het om ons eerder pakslae te gee, want al het sy met ons geraas, het haar liggaamstaal net nie genoeg kwaai boodskappe oorgedra nie, daarom het haar raas ons nie te bang gemaak nie.

Daarom is dit ‘n goeie reël dat kwaai persoonlikhede kan maar die raas en hard praat tegniek gebruik om hulle kinders te dissiplineer, waar sagter persoonlikhede moet maar eerder pakslae gee en sonder om te hartseer te lyk om haar kinders pakslae te gee.

 

Dissipline is liefde

Spreuke 13:24 “Hy wat sy seun nie dissipline leer nie, het hom nie regtig lief nie. As hy hom liefhet, sal hy hom dissiplineer.”

 

Moet nooit jou kind net los nie. Of hulle klein is of groot is. Dit is jou rol as ouer om jou kind te help om verantwoordelikheid te neem vir hulle aksies en hulle goeie morele riglyne te leer. Maar in hierdie vers vind ons die hoof kriteria van enige dissipline. Dit moet gekoppel wees aan liefde. As jou kind nie voel dat jy hulle staf omdat jy hulle lief het nie, dan straf jy te hard.

P.S gee maar so 5 minute vir die kind om te besef jou dissipline was uit liefde gewees.

 

KINDERS BY DOSYNE 

In my volgende een-man opvoedkundige komedie “Kinders by Dosyne” gaan ek al die ouerskap opfoeters wat ons van vorige generasies geërf het, een vir een ontmasker en ‘n gesonder opvoeding ontbloot.

“Kinders by Dosyne” gaan jou laat skaterlag aan die eenkant en dan huis toe stuur met praktiese en gesonde opvoedings beginsels om seker te maak dat ons nie die volgende generasie opfoeter nie. In “Kinders by Dosyne” gaan ek ook met julle deel hoe ek en Janet steeds tyd maak vir mekaar al het ons “Kinders by Dosyne”, want die beste geskenk wat jy vir jou kind kan gee is ‘n mamma en pappa wat mekaar lief het.

Ek nooi julle uit om na die openingsaand van my splinternuwe opvoedkundige komedie "KINDERS BY DOSYNE" te kom kyk.

Ideaal vir 'n lekker aand uit sonder die kinders!

 

Pretoria openingsaand: 22, 23 September | Centurion teater | iTickets | https://itickets.co.za/events/383126

Kaapstad openingsaand: 20, 21 Oktober | HS Durbanville Ouditorium | iTickets |https://itickets.co.za/events/383129

P.S 20 Oktober is 'n live DVD opname, so as jy lekker kan lag, kom sit heel voor.

Kaartjies is alreeds besig om te vlieg. Moenie hierop uitmis nie! Bepreek vandag nog.

 

 

Gratis Eboek

Het jy al jou GRATIS e-Boek gedownload?


Jy kan die gratis ebook kry vol wenke en idees om die CEO van jou Huwelike te wees. Lees meer hier.

Twitter Feed

Kontak Ons

Adres:

698 Picassostraat, Moreletapark, Pretoria

Beradings ure:

Ma - Vr: 9:00 - 16:00

Telefoon:

Tel: 086 111 2329

Sel: 082 565 7373

Faks: 086 224 5948

Bly in Kontak

Volg ons op Twitter en Facebook.

Top