EasyBlog

This is some blog description about this site

  • Home
    Home This is where you can find all the blog posts throughout the site.
  • Categories
    Categories Displays a list of categories from this blog.
  • Tags
    Tags Displays a list of tags that have been used in the blog.
  • Bloggers
    Bloggers Search for your favorite blogger from this site.
  • Team Blogs
    Team Blogs Find your favorite team blogs here.
  • Login
    Login Login form

Gesonde Huwelik

Artikels oor alles wat 'n Gesonde Huwelik maak werk

2015 was die jaar wat die meeste toevlugsoekers op gelewer het ooit in die geskiedenis van die mens. Ek het ‘n syfer van 20 miljoen gehoor. Ek weet baie van ons in Suid Afrika voel asof ons toevlug wil vind oorsee, maar hierdie 20miljoen mense vlug nie ‘n ongemaklike lewe en dalende ekonomie nie, hulle vlug hongersnoot, oorlog, en natuurrampe.

Ek voel ook dat hierdie toevlug tema van 2015 het ook homself gemanifesteer in baie huwelike, maar ek bid dat 2016 ‘n terugkeer na vrede sal wees vir die meeste van hierdie huwelike.

Baie paartjies het dit “quits” geroep in 2015 en heelwat paartjies gaan 2016 in met vyandskap in hulle harte teenoor mekaar. As hierdie vyandskap teenoor mekaar nie terugkeer tot ‘n plek van rus en vrede nie, gaan jou huwelik jou dood beteken.

So hier is twee verskillende maniere hoe jy vrede kan vind in jou huwelik.

 

1. Gaan in vrede(lech b’shalom)

 

Hierdie is die mees algemeenste seëning wat ons vir mekaar sê, maar toe David dit vir sy seun Absolom sê het sy seun gesterf. RIP (Ek is seker so paar van julle het ‘n Whatsapp boodskap nou vir jou skoonma gestuur “Gaan in vrede”)

Maar dit is presies in hierdie “lech b’shalom” - gaan in vrede (RIP) waar ons ons eerste waarheid vind hoe om vrede in ons huwelik te kry.

Deur om self dood te gaan. Deur om ons sterk wil te kruisig. Deur om ons hardnekkige standpunt op te gee. Deur om ons reg op te gee. Deur om ons verharde hart te versag.

Jy mag dalk dink, “maar, Timothy, ek is in die reg. Hoekom moet EK die een wees wat in vrede gaan?”

‘n Huwelik gaan nie oor om die magstryd te wen, of die argument of die “battle of the sexes” nie. Dit gaan oor om in ‘n toestand van rus en kalmte te lewe. En om dit soms reg te kry, moet ons die eerste wees, om ons wapens neer te lê en die wit vlag om hoog te hys.

Is jy bereid om die nuwe jaar in te gaan met “lech b’shalom”? Is jy bereid om in vrede te gaan oor die ding wat julle in 2015 van bed en tafel geskei het?

Gaan dan in vrede.

2. Gaan na vrede (lech l’shalom)

Klein grammatikale verskil, maar ‘n reuse verandering in betekenis. Jetro het hierdie vir sy skoonseun Moses gesê nadat hy hom vertel het van die brandende bos. Jetro het Moses die nodige skop onder sy gat gegee om hom uit sy plek van (rus) (wegkruip) te laat kom. Ons ken mos Moses se storie. Hy het iemand dood gemaak in Egipte en toe gevlug vir sy lewe en gaan “settle” (rus) (wegkruip) in die land van die Midianiete. Daar het hy “vrede” gevind van sy konflik, maar God het hom weer terug gestuur na sy konflik toe en sy skoonpa het dit geweet, daarom het hy hom met “lech l’shalom” geseën. Gaan na vrede.

Sien, vrede is nie noodwendig ‘n plek weg van konflik nie, nie as daardie konflik iets is wat jy geroep is om deur te sien nie.

Moenie die eerste “gaan in vrede” wat ‘n neerlê van wapens verwar met die versoeking om alles net onder die mat in te vee nie. Soms het jy nodig om NA jou vrede te gaan en dit beteken om terug te gaan na die plek van konflik toe, sodat jy dit dalk vir die eerste keer suksesvol kan verwerk.

Gaan IN vrede en gaan NA vrede is nie ‘n plek van ontkenning en maanskyn en rose nie. Dit is ‘n plek waar jy die situasie kan lees en die korrekte “response” kan lewer.

Om dit te kan reg kry, gaan jy baie stiller moet word en rustigheid in jou eie siel moet vind, voordat jy vrede in jou huwelik sal kan geniet.

Vind vrede eerstens in en met jouself.

So voordat jy die krag sal kan hê om die minste te wees en iets te laat gaan of konflik met oop oë te trotseer en die wysheid om te weet wanneer jy IN vrede moet gaan en wanneer jy NA vrede moet gaan, MOET jy eers inner VREDE vind.

En om vrede in en met jouself te vind, moet jy ook die beginsels van “lech l’shalom” en “lech b’shalom” toepas.

a. Het jy iets in jou verlede wat jy ronddra soos ‘n hond wat nie die been wil laat gaan nie? Die “issue” is al lank al dood en almal betrokke het al reeds lank terug aanbeweeg, maar nie jy nie. Jy sit nog vas. Jy kan dit nie laat gaan nie. Jy het vasgehak by daardie spesifieke seer en dit het jou hele lewe begin oorneem.

As jy jouself in hierdie situasie bevind, bid hierdie woorde oor jouself soos wat jy dit hier lees.

“[Eie naam] ek seën jou vandag met “lech ‘b shalom” dat ek IN VREDE mag gaan. Ek lê hierdie [noem jou situasie by naam] nou neer in die geloof dat die Here vir my krag sal gee om 1 Korintiërs 1:3 (Genade vir julle en vrede van God onse Vader en die Here Jesus Christus!) ‘n waarheid in my lewe en ‘n getuienis van God se genade kan maak. Van vandag af, sal ek nie weer hierdie [noem dit by naam] ou koei uit die sloot op grawe nie en dat die Here my sal genees van die emosionele pyn wat ek van dit gekry het.”

 

Gaan nou IN vrede die Nuwejaar in.

 

b. Het jy dalk iets in jou verlede wat jy weet voor jou siel jy van weghardloop?  ‘n verhouding? ‘n vriendskap? ‘n besigheidsvennoot? ‘n ooreenkoms? ‘n belofte? ‘n jammer sê? ‘n om verskoning te vra? ‘n roeping van die Here? ‘n huweliksplig?

As jy hierdie persoon is wat soos Moses gevlug het weg van konflik, maar konstant herinner word in jou siel en gees van die “Egipte” in jou verlede, bid ek vir jou die seëning van “lech l’shalom” gaan NA vrede toe.

Bid hierdie woorde oor jouself.

“[Eie naam] ek seën jou vandag met “lech l’shalom” dat ek die krag sal kan hê om NA VREDE te gaan. Ek neem op my verantwoordelikheid om hierdie [noem die situasie of persoon waarvan jy gevlug het hier] aan te spreek en dit deur te sien. Ek bid dat God my krag sal gee om my konflik en verlede te trotseer en vir my genade sal hê, sodat 1 Korintiërs 10:13 (God is getrou, wat nie sal toelaat dat julle bo julle kragte versoek word nie) ‘n waarheid en getuienis in my lewe sal word.

Gaan nou NA jou vrede die Nuwejaar in.

 

 

 

 

Hits: 3478
0

Hierdie is seker een van die mees algemeenste seks probleem in ‘n huwelik. Die een is altyd meer lus as die ander een. (En nee dit is nie altyd die man wat meer lus is nie. Seks is ‘n mens ding nie ‘n man ding nie.)

Kom ons begin om jou nommer aan jou lus te koppel.

‘n No.10 is iemand wat die heeldag, aldag, dwarsdeur die dag, asook soms in die aande, seks kan hê. (Let op lus het niks te doen met wat prakties moontlik is of selfs gesond is nie, ons fokus slegs hier op die lus gevoel = jou libido.)

Dan is daar mense wat in my spreekkamer vir my sê as hulle nooit weer seks in hulle lewe hoef te hê nie, is hulle gelukkig. Okay jou lus is dan ‘n 0 op ‘n kontrak.

 

 

Gee vir jou lus ‘n nommer: 3, 5, 7, 9

Koppel ook ‘n nommer aan jou maat se libido.

 

Is julle naby mekaar?

Ver weg van mekaar?

O gats, ons het dalk ‘n probleem!

 

Nou daar is verskillende faktore wat ‘n invloed het op ‘n persoon se libido en as jy my boek“Gesonde Seks” lees sal jy ‘n duideliker prentjie daaroor kry. Maar vir hierdie artikel wil ek slegs fokus op die biologiese faktore van hormone. Dit is nie iets wat van buite die persoon kom nie, dit is nie dat die persoon pervers of aspris daaroor dink nie of aspris seks blok nie. Hierdie is jou liggaam se gewone vervaardiging van sekere hormone wat jou lus maak.

 

Die beste manier om dit te verduidelik is om jou seks lus te vergelyk met jou eet lus.

  • Sommige mense is konstant honger. Altyd lus om te eet.
  • Ander mense nou weer kan die hele dag gaan sonder om te eet.
  • Party mense wag totdat die honger so groot opgebou het dat hulle die naaste “fast food” burger gryp en dit verslind.
  • Waar sommige mense lank voor hulle honger raak begin kos maak en eet, voordat hulle daardie kol op hulle maag bereik.

 

Maar niemand van ons eet slegs omdat ons LUS voel om te eet nie. Ons eet want ons weet:

  • Dit is nodig vir ons om gesond te bly (ons liggame is gemaak om met kos te funksioneer).
  • Dit is lekker om te eet (ons liggame beloon ons met goedvoel hormone wanneer ons eet) en
  • Dit is sosiaal aanvaarbaar om te eet, daar is geen stigma of taboe gekoppel aan eet nie.

 

Seks aan die anderkant geniet nie dieselfde sosiale aanvaarbaarheid nie, die taboe is nog groot. Ons het al baie stories gehoor of selfs beleef hoe seks ons seer gemaak het, so dit is nie meer so lekker nie. Dan die belangrikste van als is dat ons glad nie genoeg gesonde en akkurate informasie oor seks ontvang het nie. Ons is dwaas oor die feit dat ons liggame en huwelike seks nodig het.

 

So omdat die spasie waarin seks in ons lewens plaasvind nie dieselfde ruimte geniet soos ons kos etery nie, word daar baie meer klem geplaas op die LUS van seks as die lus van kos. Bv. Wanneer jy in die oggend vir jouself ontbyt maak, spring jou vrou nie op en sê “Is jy al weer lus vir kos? Jy het net gisteraand ‘n groot bord kos gehad. Gedra jouself asb. Jy eet soos ‘n vark.”

 

Nee, niks van dit nie, maar durf die man of vrou net weer ‘n “move” maak om sy of haar seksuele lus te kommunikeer, word die LUS gesien as LUST. Daarom die persoon met ‘n natuurlike hoër libido as sy maat, voel konstant veroordeel om so vleeslik te wees die hele tyd. Hierdie persoon loop met skuld rond wat sy lus net al hoe nader dryf aan daardie “fast food” produkte.

 

Die persoon aan die laer kant van die libido spektrum sukkel ook om verby die absolute fokus op seksuele lus te kom. As ‘n persoon wat ‘n nommer 4 libido het, moet wag totdat hulle LUS genoeg raak om alles te los wat hulle doen en liefde te maak met hulle maat, is ek jammer om vir jou te sê, jy gaan LANK wag. ‘n Nommer 4 golf is nie sterk genoeg om alles te los en passievolle seks te inisieer nie.

 

Beteken dit dat hierdie lae libido persoon nooit passievolle seks kan geniet nie?

Nee, glad nie, dit is nie wat ek sê nie. Daardie persoon sal net nooit vanself daardie tipe seks inisieer nie.

 

Daar is geen skaamte in die feit om ‘n lae libido te hê nie, maar dit is ‘n jammer te dat baie lae libido mense self dood gaan van hongerte. Die hoeveelheid van LUS wat jy voel is NIE ‘n indikasie van hoe baie jy seks nodig het of selfs geniet nie. As jy ‘n persoon is wat nooit oorval word met seksuele LUS nie, aanvaar dit so, maar moenie seks dan net so laat vaar nie.

 

Wees jy dan die persoon wat lank voordat jy oorval word met die honger, al begin plan maak wat julle gaan eet vanaand. Iets wat altyd vir my uitstaan wanneer ek vir die lae libido mense die vraag vrae geniet hulle seks wanneer hulle eers “into it kom” (wow daar is baie fout met daai sin), antwoord die meerderheid altyd JA, BAIE.

 

So moet nooit weer jou LUS koppel aan seksuele plesier of inisiëring daarvan nie. Maak vrede dat jy nou maar iemand is wat seks gaan inisieer, beplan en aan dink met jou hoof en nie met jou kop nie.

 

In dien jy meer belangstel om jou en jou maat se seksualiteit beter te verstaan, kry my nuwe boek"Gesonde Seks" by jou naaste boekwinkel of direk vanaf my website www.gesondeseks.co.za

Hits: 10982
0
Posted by on in Gesonde Huwelik

Baie vrouens kla dat hulle mans nie met hulle praat nie, dat hulle nie weet wat in haar man se kop aangaan nie en dat hulle mans nooit hulle emosies met hulle deel nie. Ons maak selfs grappies van hoe mans boksie breine het en vrouens meer emosionele persone is.

 

Ek glo nie in hierdie stereotiepiese kommunikasie verskille tussen man en vrou nie. Ja sure, daar is baie meer mans wat hulle emosies terug hou en vrouens wat hulle emosies deel, maar so is daar ook baie meer manlike CEO’s as vrouens maar dit maak nie mans beter CEO’s nie. (Ek is seker daar is baie mans wat hiermee sal stry.)

Nee, dit is hoe ons as kinders groot gemaak is. ‘n Seun skop bal buite en as hy seer kry en huil, dan maak ons hom net meer tough en jaag hom weer buitentoe om verder te gaan bal speel. Baie min ouers sit en luister na hulle seuns - na hulle emosies - na hulle vrese en drome nie. Ons het ons seuns groot gemaak slegs om te fokus op wat hulle kan bemag. Wat hulle kan doen. Waarmee kan hulle ons trots maak. Ons behandel ons seuns soos wat ons ‘n stoetbul op veiling behandel: Ons stel net belang in watse krediet ons kan kry van hoe wonderlik die seun lyk, maar stel nooit regtig belang in die seun se emosies self nie.

Geen wonder as hierdie seuns groot word, is hulle emosioneel afgestomp en sukkel om te praat. Maar in my berading kantoor, huil hierdie tawwe mans soos wat hulle emosioneel oopmaak. Dan kyk die vrou hierna en wonder hoekom praat haar man met my en nie met haar nie? Wel, kom ek leer jou hoe jy jou man kan help sodat hy ook sy emosies met jou kan deel.

Wel, dit is nie dat hy dit nie deel nie, hy kommunikeer dit net op ‘n baie subtiele manier, maar as jy weet waarvoor om te kyk, sal jy sy vrese en drome vinnig-vinnig kan vind en ‘n dieper konneksie met die man wie jy lief het, kweek.

 

Identifiseer of dit ‘n vrees of droom is.

Moenie dink jou man gaan vir jou vertel “Liefie, ek voel so en so oor dit of dat nie.” Nee, dit gaan nie gebeur nie. Maar hy gaan wel sy vrese en drome met jou kommunikeer en as jy weet waarvoor om te luister, sal hy meer van sy hart met jou deel.

Wanneer jou man iets sê, voordat jy daarop reageer, verbaal of met jou liggaamstaal, probeer om te identifiseer is dit ‘n vrees of droom wat hy nou kommunikeer.

Kom ons oefen.

Manlief sê: “Liefie,ek sien ‘n krap merk op die BMW.” Vrees of Droom?

Vrees. Moenie jouself probeer verdedig nie. Ontmoet die vrees. “O gits, dis nie goed nie.” Dan ontmoet jy jy man waar hy is en bespreek die krapmerk en sê jammer indien jy moet. Wat is sy dieper vrees hier? Dat sy kar se waarde gaan afgaan. So dis geldsake. Dis nie te sê hy wil met jou raas of skel of skoor soek nie. Hy kommunikeer se vrees. Hoor hom!

 

Manlief: “My baas het my genooi om die game saam hom te gaan kyk.”

Hierdie klink soos net ‘n feit. Maar daar skuil ‘n droom hier as vroulief reg antwoord. In plaas van sug of kwaad word oor nog tyd weg van jou man, hoor hoe sê jou man hierdie sin. Met trots? Hoop dalk? ‘n Goeie respons sal wees: “Sjoe, dis ‘n eer! Hy nooi nie aldag mense na sy losie toe nie!?” Meskien is hierdie ‘n droom van jou man. ‘n Hoop vir promosie. Iets wat jy volhartig moet ondersteun en saam oor bly kan wees.

Besluit of die volgende sinne drome of vrese is:

·         Ek dink ons is nou klaar met kinders. 

·         Piet sê dat hy twee buffels geskiet het die naweek.  

·         Is die Pa-seun kamp die naweek of volgende naweek? 

·         Ek het gedink ek wil geld belê in hierdie maatskapy.

 

 

Hoe om te reageer as dit ‘n vrees is?

Kry die prentjie in jou kop van ‘n persoon wat ‘n gelaaide geweer in sy hand het, wat alleen is en baie bang is. Wat sal gebeur as jy daardie persoon konfronteer? Of selfs net nader om verder te gesels? Hy gaan jou skiet!  Want sy emosionele kapasiteit is reeds in die rooi en dit gaan nie veel neem vir hom om daardie sneller te trek nie.

Die beste manier om te reageer tot ‘n persoon met ‘n gelaaide geweer wat bang is, is om jou hande in die lig te plaas, oor te gee en te sê jy is jammer.

Doen min of meer dieselfde as jy hoor jou man kommunikeer ‘n vrees. Wees versigtig en moenie iets aanvallend of kwaai sê nie, anders volg ‘n geveg. Die voorbeeld hierbo van nie nog kinders kry nie, kan moontlik die vrou baie kwaad en seer maak. Maar dis nie nou die tyd om te praat oor jou gevoelens nie, omdat jou man eerste begin praat het hieroor. Die een wie die gesprek begin mag eerste hulle emosies deel. So vroulief hoor haar man klink benoud en ONTLONT sy gevoelens deur om te smile en sê, “Hulle lawaai baie né?” Of “Ja, dis ‘n duur storie.” of watookal die konteks van wat gebeur het. Kom aan sy kant en beaam sy gevoelens. Dit beteken nie dat jy saam stem nie. Dalk loop die gesprek later tot jou gevoelens of hy vra jou wat jy voel daaroor, maar praat eers oor SY vrese.

 

Hoe om te reageer as dit ‘n droom is?

Kry die prentjie van iemand wat op ‘n ander man se vuur piepie nadat hy baie opgewonde dit aan die brand gesteek het. Dit is wat die meeste van die kere gebeur wanneer ons maat ‘n droom met ons deel. Ons sit daaivuurtjiebaie vinnig uit. (Onbewustelik en nie aspris nie, ek is seker, maar dit stink nog steeds.)

Het jou kind al ooit ‘n prentjie vir jou geteken en baie opgewonde dit na jou gebring om dit te prys? Die verkeerde reaksie is om te vra: “wat is dit wat jy hier probeer teken het? Het jy binne of buite die lyne probeer bly?” Jou kind gaan nooit weer vir jou ‘n prentjie bring nie. Nooit weer met daai selfde opgewondenheid en liefde nie.

Want dit gaan nie oor die mooi van die prentjie nie, dit gaan oor ‘n deel van die kind se hart wat hy met jou wil deel.

Die voorbeeld bo van die man wat deel dat sy vriend buffels geskiet het.’n Verkeerde reaksie sou wees om dit af te skiet of weg te praat, oor Piet se vrou of jag-gewoontes kommentaar te lewer. So maklik, kan ‘n liefdevolle vrou die geleentheid mis om haar man se hart te hoor deur om bo oor hom te praat of haar opinie oor ‘n saak te vinnig te uiter. Hier deel die man dat hy graag ook graag sou wou jag of dalk spesifiek buffel skiet. Dis dalk ‘n lang-gebêrede droom van hom! Vra eerder meer uit daaroor: “Is dit moeilik om buffel te skiet?”

Vrees en Drome maak die deur oop tot jou man se wêreld en as jy korrek reageer het jy die voorreg om oor te stap tot in sy wêreld in. Eers daar, sal jy besef jou man het soveel meer emosies en gevoelens as wat jy nog ooit sou kon raai. Maar jy sal op jou tong moet byt om dit nie oor jou te wil maak nie. Jy is nou in sy wêreld nie, nie joune nie. Respekteer dit en reageer ooreenstemmend daarmee.

 

In dien jy meer belangstel om julle kommunikasie te verbeter, kry my nuwe boek "Gesonde Seks" by jou naaste boekwinkel of direk vanaf my website www.gesondeseks.co.za en leer hoe om naak voor mekaar te staan en geen skaamte te ken nie.

 

 

 

Hits: 3880
0

Wanneer ons iets doen wat vir ons lekker is en wat vir ons plesier gee, word Dopamien afgeskei en gestuur na twee spesifieke dele in die brein. Dopamien is ‘n goedvoel hormoon. Jou liggaam se eie  dwelm. Die eerste area in die brein wat hierdie goedvoel hormoon ontvang is ons amygdala, wat verantwoordelik is vir ons emosies. Let op emosies kom nie eerste nie, maar is ‘n reaksie tot ‘n aksie wat ons in teorie as lekker beskou. Moenie geflous wees dat ons emosies eerste kom nie. Emosies kan net reageer en nie inisiëer nie. Die eerste lekker gevoel gebeur in ons persepsie en antisipasie van iets. Dis hoekom party mense ‘n wilde rit op ‘n rollercoaster sal geniet en ander dit baie vreesaanjaende sal beleef. Hulle het vooraf besluit of dit lekker of sleg gaan wees gebasseer op hulle persepsie en vorige ervarings van sulke ritte.

 

Nog ‘n voorbeeld is as jy na die doktor toe gaan en die dokter kyk jou op en af en sê jy kort ‘n inspuiting, maar jy moenie bekommerd wees nie, dit gaan net ‘n bietjie brand. Nog voordat hy die naald indruk, trek jy klaar terug en voel angs en selfs pyn. Persepsie en afwagting. Nog niks met jou emosies te doen wat gekoppel is aan die fisiese daad van die inspuiting nie.

 ‘n Positiewe persepsie en verwagting skei af die “lekker” gevoel hormoon dopamien en veroorsaak verder warm emosies, wat in sy beurt jou langer daar wil hou en weer terug wil laat keur.

Hierdie is belangrik om te verstaan veral wanneer jy glo dat seks vir jou onplesierig en pynlik is. Baie daarvan kan slegs wees as gevolg van jou persepsie en verwagting daarvan en nie aan die seksuele daad self nie. Want baie mense wag vir hulle emosies om te verander oor seks of oor hulle huweliksmaat voordat hulle weer intiem wil verkeer, maar dit sal nooit gebeur nie. Dit begin met die persepsie oor seks en verwagting van hoe die seks met jou maat gaan wees. Mense wat asemrowende seksuele plesier geniet, het gewoonlik uitgesien en lus gevoel om seks met hulle maat te hê. Daarom leer ek mans en vrouens om die voorspel en opkikkering van vroeg die dag al te begin. Bou daardie verwating en laat jou liggaam begin uitsien en verlang na jou maat. Kry jou gedagtes oor seks op die positiewe kant en die emosies sal daarna volg.

Die tweede deel van die brein wat ‘n dose van dopamien ontvang is jou dorsal striatum, wat die deel van jou brein is wat premêr verantwoordelik is vir gedragspatroon vorming en verslawings.

Ons liggame is so geprogrammeer dat ons meer van die “lekker” in die lewe wil kry. Dit is daardie deel, wat ons verslaaf wil maak aan die genotvolle dinge in die lewe. Maar daarvoor moet ons wel lekker kry iewers in ons lewe. Die begeerte vir meer seks kan nie gebeur as die deel van jou brein nooit plesier hormoon ontvang nie. Soos wanneer ‘n mens ‘n negatiewe en donker gesindehid het rondom ons huweliksmaat, huwelik, sekslewe en algemene geluk. Baie mense glo dat hulle nie plesier MAG ervaar nie. Vrouens wat glo hulle moet net plesier aan hulle mans verskaf en nie dit self geniet nie. Na baie jare van die gesindheid, gaan seks baie droog en moeilik wees omdat te min dopamien vrygestel was in die dame se brein.

In my nuwe boek “Gesonde Seks” wys ek jou presies hoe ons huidige persepsie oor seks gevorm het oor die jare en wat ons kan doen om dit te verander, aan te pas en te bestuur sodat ons ‘n Gesonde Seks perspektief en verwagting het rondom ons huwelik.

 

Kry my boek “Gesonde Seks” by jou naaste boekwinkel of bestel dit direk vanaf my webwerf www.gesondeseks.co.za

 

Hits: 5975
0

Posted by on in Gesonde Huwelik

Ek is baie opgewonde oor die nuwe seisoen wat my Gesonde Seks Bediening homself in bevind. Om te begin my lewenslange droom om ‘n skrywer te wees, lyk my is iets wat die Here vir my nou gegun het. My nuutste en beste boek “Gesonde Seks” gaan hierdie maand op die rakke verskyn, en my uitgewer het alreeds my aan die werk gesteek met ‘n volgende boek. Yippee ek kan skryf van oggend tot aand.

 

 

Kom ek gee gou vir ‘n uittreksel uit my “Gesonde Seks” boek uit.

God se Hooglied vir die mens.

Op die sesde dag maak God die mens na sy beeld: manlik en vroulik. Hy staan terug om sy skepping een laaste keer te bekyk voordat hy dit die stempel van goedkeuring uiter met ‘Dit is goed, dit is sommer baie goed’, hardloop die duiwel vinnig verby die mens en plak die penis en vagina op die man en vrou.

Die duiwel lag in die een hoek en God ween in die ander. Hy wou nie seksuele mense gemaak het nie. Hy het meer gedink aan ‘n Barbie- en Ken-tipe – perfek maar plastiek! Die duiwel is in sy skik, want hy het die mens en hul God in ‘n hoek.

Niemand van ons sal dit ooit hardop sê nie, maar soms wonder ek of ons nie tog so iets glo nie. Moenie dat hierdie ligsinnige stukkie jou afsit van die belangrikheid van hierdie hoofstuk nie. Maar vir my as leketeoloog, jong Bybel- en seksualiteitskenner en amateur-komediant is dit die beste manier hoe ek my gesonde-seks-persektief kan oordra.

Daar is baie mense, almal baie slimmer as ek, wat al boeke der boeke geskryf het oor God se siening van seksualiteit. Hoe stry ‘n mens teen God se siening van seksualiteit? En daarom gaan ek nie voorgee dat wat ek in hierdie boek skryf, my gesonde-seks-perspektief, ook is wat God sê nie.

Met hierdie boek, en in hierdie hoofstuk veral, gaan ek net fokus op my eie mening, waarnemings en persoonlike openbarings oor die gesonde seks wat ek in God se Hooglied vir die mens raaksien. En ek gaan dit vertel op ‘n eenvoudige, nieteologiese manier sodat jy dit nie dalk kan verwat met iets wat God sê nie. Ek wil amper Paulus se voorbeeld hier gebruik: Ek het nie ‘n direkte woord van God vir jou hieroor gekry nie, maar hierdie hoofstuk kom vanuit my eie pen (oftewel toetsbord).

In hierdie hoofstuk wil ek julle vertel van ‘n blind-date, ‘n warmbloedige prinses en ‘n happy-ending.”

 

 

 

Pre-Order Gesonde Seks Boek aanbod.

Ek het vir julle 'n Gesonde Seks Pre-Order aanbod wat jy nie verby moet laat gaan nie.

Ek het vandag my nuwe boek "Gesonde Seks" van die drukkers ontvang en dit sal seker oor so paar weke orals op die rakke beskikbaar wees. Maar in plaas daarvan om te wag vir die winkels, kan jy sommer jou kopie hier by my bestel, EN ek gee vir jou 'n Gesonde Seks lucky packet saam met die boek.

As jy my boek "Gesonde Seks" op my website bestel in die volgende twee weke, stuur ek vir jou een van ons Lubes in ons GS 6Pack reeks.

Wat gaan jy kry? 'n Lube? 'n Body Candy? 'n Desensitizer? of 'n Klitoris Stimulant? Jy sal moet wag en sien wat in jou Gesonde Seks lucky packet is. (Only while stocks last)

Wel wat ook al jy gratis saam kry, jy sal 'n boek hê wat vir jou presies gaan wys hoe om jou Gesonde Seks huwelik te ontsluit.

 

 

Of alternatiewelik kan jy vir ons ‘n EFT direk in ons rekening maak en vir ons 'n epos stuur na This email address is being protected from spambots. You need JavaScript enabled to view it. met jou naam en pos besonderhede en ons pos vir jou Gesonde Seks boek en lucky packet sodra dit arriveer.

Bank besonderhede:

Gesonde Seks

Absa – Tjek

Rek no: 4068 2522 87

Takkode: 632-005

Verwyssing: Jou epos adres

 

Bedrag: R175 (Sluit R25 posgeld reeds in)

Hits: 1921
0

Gratis Eboek

Het jy al jou GRATIS e-Boek gedownload?


Jy kan die gratis ebook kry vol wenke en idees om die CEO van jou Huwelike te wees. Lees meer hier.

Twitter Feed

Nuwe Kursus

Kontak Ons

Adres:

698 Picassostraat, Moreletapark, Pretoria

Beradings ure:

Ma - Vr: 9:00 - 16:00

Telefoon:

Tel: 086 111 2329

Sel: 082 565 7373

Faks: 086 224 5948

Bly in Kontak

Volg ons op Twitter en Facebook.

Top