EasyBlog

This is some blog description about this site

  • Home
    Home This is where you can find all the blog posts throughout the site.
  • Categories
    Categories Displays a list of categories from this blog.
  • Tags
    Tags Displays a list of tags that have been used in the blog.
  • Bloggers
    Bloggers Search for your favorite blogger from this site.
  • Team Blogs
    Team Blogs Find your favorite team blogs here.
  • Login
    Login Login form

Hoekom het U my so warm gemaak en my vrou so koud?

Posted by on in Uncategorized
  • Font size: Larger Smaller
  • Hits: 2625
  • 10 Comments
  • Subscribe to this entry
  • Print
Here ek glo dat U alles goed gemaak het en dus alles goed deur dink het, maar Here as ek na my sekslewe kyk, kan ek soms nie help as om te twyfel nie.

 

Twyfel in U perfekte ontwerp? Dit kan ek tog nie vir lank betwyfel. Twyfel in my eie opregte gedagtes? Dit moet seker die wortel probleem wees. Twyfel in my vrou se liefde vir my? Nee, daarvan is ek verseker.

Here, hoekom het U die man gestraf met sy hoë seksdrang? Ek weet op die huwelikskamp het hulle geleer seks is 'n goddelike geskenk, maar sekerlik net as dit aan jou vrou ook geskenk is. Wat maak ek met dit op my eie? Hoe is dit 'n geskenk as ek voel my vrou reageer slegs uit plig?

Ek wil ook begeer word. Ek wil ook geliefd wees. Ek wil ook een wees met my vrou. Ek wil ook hê sy moet my wil hê. Ek is mos nie dom nie, al hou ek myself so soms, ek weet wanneer sy haar huweliksplig eer. Hoe is dít veronderstel om 'n goddelike geskenk te wees? Moenie my verkeerd verstaan nie, Heer. Dit is nie iets wat ek bereid is om te weier op beginsel nie. U het my tog so geskape? Die drang tot seks is menslik. Manlik?

Hierdie is mos 'n resep vir moeilikheid. Die man altyd lus en die vrou onder huweliksplig. Maar Here, daar is so baie vrouens daar buite wat ook lus lyk. Ek weet dit is net 'n lokval. Dit moet wees, of het ek met my huwelik in die slaggat getrap? Dalk is seks net 'n wapen van die vrou om 'n man te vang en gebruik vir haar eie moederlike instink. Ek weier om te glo seks is net vir voortplanting. Waarom het U dit dan so lekker gemaak dan? Ek weet as my vrou net eers die lekker van seks smaak, sal sy dit net so begeer soos ek. Maar daar bly min van my Casanova ego oor.

Ek lees in Hooglied hoe sy beminde skryf hoe sy na hom verlang. Hoe sy hom nooi om van haar keurig tuin te kom eet. Hoe haar man se soene vir haar beter is as enige soet wyn. Ek kan nie U perfekte goeie plan twyfel nie. Ek wil glo U het seks vir die mens gegee as 'n geskenk. Maar ek wil dit in my huwelik ook hê. Ek wil hê dat my vrou dit ook moet kry.

Dalk lê die probleem by my? Dalk voel sy nie genoeg geliefd nie? Hoe gee ek haar meer emosionele ondersteuning as ekself emosioneel voel dat sy my weier? Kan ek ooit sê dat sy my seks weier as sy nooit die woord, nee, geuiter het nie? Sekerlik spreek aksies meer as woorde? Sy inisieer nie, sy gryp my nooit, sy lê net daar vir haar huweliksplig.

Here, ek besef dat ons in 'n afwaartse spiraal vas gevang is. Ek kan selfs voel hoe my eie seks drang, al hoewel dit nog daar is, al hoe minder begeerbaar word. Hoe is dit moontlik om seks te wil hê sonder om te voel dat jy dit wil hê?  Vir my is dit heel eenvoudig: Huweliksplig-seks maak my onbegeerbaar voel.

Hoe moet sy voel?

Wat is die gevoel wat haar keer om in te gee tot hierdie geskenk van God?

 

© Gesonde Seks, Timothy Kieswetter 2012
0

Comments

  • Guest
    Liesl Tuesday, 02 October 2012

    Here, as vrou is ek dankbaar dat U ons vrouens ook geseen het met ons seksualiteit. Here ek weet dat U plan vir ons (man en vrou) bymekaar pas ten spyte van groot verskille perfek was en is. Ek weet ook Here dat U dit nie verniet spesiaal gemaak het nie, dat U verseker wil he dat ons die mooi daarvan moet geniet en nie "gestraf" moet voel vir 'n wanbalans in ons huwelike nie. Daarom Here vra ek vandag en elke dag dat U my as vrou se gesindheid teenoor intimiteit sal positief en gemaklik en gewillig hou. Ek bid dat U ons altwee sal laat moeite doen met mekaar omdat ons dankbaar is vir ons geskenk. En dan bid ek ook vir my vriendin se gesindheid teenoor Intimiteit Here, maak haar oe oop vir haar man se behoeftes, laat haar raaksien hoe hy haar werklike deelname begeer, want ek weet Here sy is vir hom oneindig lief.

  • Guest
    Verward Tuesday, 02 October 2012

    Behalwe vir die feit dat ek die "nee" woord al te veel keer gehoor het, beskryf hierdie artikel my situasie perfek.
    Wat ek wel mis, is die verduideliking en raad wat gewoonlik ingesluit is....???
    Het ek die artikel verkeerd gelees?

  • Guest
    Catherina coetzee Tuesday, 02 October 2012

    Geen vrou moet voel dat dit slegs onder plig moet wees nie, Sy moet net so warm wees soos haar man anders is dit n klug.....................

  • Guest
    Chrissie Tuesday, 02 October 2012

    Baie goed geskryf

  • Guest
    Vice Versa Thursday, 01 November 2012

    Ek is 'n vrou en voel die man se pyn, in ons huwelik is dit die teenoorgestelde, my man het geen belangstelling daarin nie, en ek is weer wit warm en altyd reg vir hom. Dit gebeur party maal 1 keer in 2 maande. Ek is al raadop en het al alles probeer, dit gaan goed vir 'n week dan is alles weer terug soos dit was. Seks is nie eers meer lekker soos dit behoort te wees nie, dit voel regtig of hy dit net doen omdat ek baklei en ongelukkig is daaroor as dit 'n paar weke verby is vandat ons laas seks gehad het. Ek het ook al hoeveel keer gedink dat hoe kon ons bymekaar uitkom as ons so erg verskil? Ek is teen afairs, maar mens kom op 'n stadium dat mens dit begin oorweeg, dan fluister die engeltjie gelukkig weer in mens se oor: "for beter or worse, till death do us part"... Dit voel al of ons net "flatmates" is, daar is geen intimiteit of romanse in ons huwelik nie, en ons is maar net 7 jaar getroud...

  • Guest
    opreg Friday, 30 November 2012

    Vind maar net uit wat jou vrou tickle of gaan sien saam 'n seksterapeut. As sy vir jou lief is dan sal sy dit vir jou doen. Daar is baie maniere gaan lees dit op of doen maar net huiswerk dis maar al. Daar is nie so-iets soos 'n koue vrou nie. Die Here het nie sulke dames geskape nie???????

  • Guest
    Geen oplossing Monday, 08 October 2012

    Dit beskryf ook my situasie, maar wat kan 'n man doen om dit te verander. Ek help my vrou met huis taakies ens ens, maar kry die NEE te gereeld. Dis asof ek nie genoeg van haar kan kry nie, maar sy is sooooo koud teenoor my?? Moet ek haar eers verneuk voor sy verander of wat??

  • Guest
    Meegevoel Monday, 08 October 2012

    Ek voel regtig vir hierdie man....net soos vir my eie. Ek is 'n vrou...en was gemolessteer as kind. So ek sukkel met seksuele 'drange'. Ek moet ook baie vir my arme man 'nee' se dood eenvoudig omdat daar nie 'n drang na seks is nie. Ek is bitter lief vir my man en ja....as ons wel intiem is is dit pragtig en spesiaal. So ek voel so skuldig as ek my man moet wegwys want ek voel soos die mislukking....dat ek nie so 'n drang het soos hy nie.

  • Guest
    Frustreerd Friday, 15 March 2013

    Mens raak ongelooflik eensaam in so 'n huwelik. In my geval is die rolle omgeruil, my man is die koue een wat se libido baie laag is. Ek is die warm een, ek se nooit nee nie. En ja, dit breek mens. Ek voel gereeld soos 'n dier in 'n hok. Vasgevang in 'n huweliksbelofte, maar binne skree ek vir vryheid...wens ek ek kon tyd terugdraai en eerder 'n man kry wat warm is soos ek...

  • Guest

    In these days of austerity as well as relative stress and anxiety about taking on debt, most people balk against the idea of having a credit card to make purchase of merchandise or perhaps pay for any occasion, preferring, instead just to rely on the tried in addition to trusted method of making repayment hard cash. However, if you have the cash there to make the purchase completely, then, paradoxically, that's the best time for them to use the credit card for several reasonsmonogram canvas

Leave your comment

Guest Sunday, 08 December 2019

Gratis Eboek

Het jy al jou GRATIS e-Boek gedownload?


Jy kan die gratis ebook kry vol wenke en idees om die CEO van jou Huwelike te wees. Lees meer hier.

Twitter Feed

Nuwe Kursus

Kontak Ons

Adres:

698 Picassostraat, Moreletapark, Pretoria

Beradings ure:

Ma - Vr: 9:00 - 16:00

Telefoon:

Tel: 086 111 2329

Sel: 082 565 7373

Faks: 086 224 5948

Bly in Kontak

Volg ons op Twitter en Facebook.

Top