Gesonde Seks Blog

Blog oor Gesonde Seksualiteit

  • Home
    Home This is where you can find all the blog posts throughout the site.
  • Categories
    Categories Displays a list of categories from this blog.
  • Tags
    Tags Displays a list of tags that have been used in the blog.
  • Bloggers
    Bloggers Search for your favorite blogger from this site.
  • Login
    Login Login form
Blog posts tagged in bly kalm
2349

Baie van die paartjies wie my kom sien vir huweliksberading, het minder berading nodig en meer van ‘n S.O.S noodgeval sein.

S.O.S is die internasionale morsekode (· · · – – – · · ·) wat staan vir “Save our Souls” of “Save our Ship”. Dit het sy oorsprong gevind met seevaarders wat gevrees het vir hulle lewe. Hulle was uit op die see en die skip, wat eens hulle veilige reis gebied het, is ewe skielik die ding wat hulle lewens in gevaar stel. Hulle skip is besig om te sink of het alreeds gesink en hulle is nou in nood om gered te word.

 

So ook is ons huwelik ‘n “relation-ship” waarin ons saam inklim om die wêreld mee te trotseer, maar na ‘n tydjie uit op die see, voel hierdie einste ding wat ons in die begin opgewonde gemaak het om nuwe horisonne in te vaar, nou meer soos die meulsteen om ons nek wat dreig om die lewenslus uit ons uit te suig.

 

Baie paartjies wil dadelik berading gebruik om hulle huwelik te “fix” of altans hulle huweliksmaat te kry om te verander. En alhoewel daar baie is om te “fix” in die huwelik en dat jou maat verseker baie tekortkominge het, moet ons soms net eers die situasie waarin onsself bevind evalueer voordat ons onrealistiese verwagtinge op ons huwelik plaas. As jy besig is om te verdrink, is dit dalk nie nou die beste tyd om ‘n opgradering op julle “relation-ship” te doen nie.

 

Die sukses van enige huwelik is om die seisoen te identifiseer waarin ons onsself bevind, sodat ons in lyn met daardie spesifieke seisoen kan kom met ons verwagtinge en doelwitte vir ons huwelik. Byvoorbeeld: Met ‘n huilende, nie-slapende-baba in die huis, is fantasie rolspel-seks of lang aand romantiese etes nie “in-lyn” met die seisoen waarin jou huwelik in is nie. Hoe meer verwagtinge jy buite jou huwelik seisoen het, hoe groter gaan jou teleurstelling wees.

 

Sommige verhoudinge het al so baie agter uitgegaan dat hulle desperaat raak om vas te hou aan dit wat hulle eens gehad het. Maar ongelukkig is hierdie nie ‘n tegniek om harder te werk om by mekaar uit te kom nie, want ons is op ‘n punt van histerie. Ons is besig om te verdrink.

 

Herken jy is op breek punt. Dit maak nie regtig saak wat het jou tot daardie punt gedryf nie. Hou op fokus wat jou maat verkeerd gedoen het, hou op jou huwelik probeer “fix” in jou gedagtes en erken dat jy as ‘n individue op hierdie “relation-ship” besig is om te sink en stuur ‘n S.O.S uit.

 

Vandat ons tweeling dogtertjies gebore was so paar maande gelede het ek en my vrou al hoe meer S.O.S boodskappe uitgestuur.

 

Dit kommunikeer aan jou huweliksmaat, “los my uit, moenie nou iets van my verwag nie, gee my spasie, ek is besig om emosioneel te sink”. Jy kan nie gered word deur jou huweliksmaat nie, want jy is deel van die “relation-ship” wat jou verdrink. Jy moet gered word deur iemand buite jou huweliksmaat, naamlik JOUSELF.

 

Hier is wat ek voorstel hoe om jou jou huwelik veilig te S.O.S

 

1. Aankondiging van S.O.S

Ons almal voel wanneer dinge te veel word en dit is juis dan, voordat ons ontplof, voordat ons iets sê wat eerder moes bly, voordat die lelik in ons uitkom, dat ons aan ons maat die S.O.S sein uitstuur. “Liefie, ek is baie naby aan my emosionele kapasiteit. Gun my net gou ‘n time-out”

 

Nou jou maat sal dalk heelwaarskynlik terug gil op jou, dat hulle ook moeg en op breekpunt is, maar jy kan nie verantwoordelikheid neem vir hulle S.O.S nie, net jou eie. Maat as dit jy is wat hier lees, stuur jou S.O.S dan eerste uit, sodat jy eerste kan ‘re-group’. As jy nooit jou S.O.S sein uitstuur nie, is dit niemand se skuld behalwe jou eie nie. So stuur hom uit.

 

2. Aktiwiteit van S.O.S

Dit is baie belangrik om hier te begryp dat ‘n S.O.S aktiwiteit op jou eie is nooit langer as ‘n paar minute nie. As jy jou huweliksmaat vir ure alleen los is jy selfsugtig en gebruik jy nie die S.O.S vir wat dit voor bedoel was nie.

 

Dit is ‘n 10min wegbreek, jouself vind, asem haal, kalm word, sodat jy weer in die ‘relation-ship’ kan inklim en verder rooi.

 

Vir sommige is dit net om alleen op die toilet te gaan sit. Ander wil net in stilte hulle tee (of wit wyn) op die stoep drink. Maak nie saak wat dit is nie. Dit is alleen. Weg van jou maat. Weg van die kinders. Weg van jou verantwoordelike self. Net jy en jouself. Haal asem. Jy gaan okay wees.

 

3. Terugkeer van S.O.S

Na jou 10 minute van “S.O.S me-time” is dit belangrik om aan jou maat te kommunikeer jy is weer terug op jou pos gereed vir diensplig. Ek sal baie keer na my S.O.S aktiwiteit terug keer na my vrou en vir haar sê: “Okay, liefie. Dankie dat ek ‘n oomblik vir myself kon neem. Ek voel nou beter, waarmee kan ek jou help.”

 

 

As jy gereeld jou S.O.Se uitstuur voordat jou menswees en julle huwelik sink, sal julle die emosionele kapasiteit hê om deur julle fights, verskille en moeilik situasies, sterker aan die anderkant uit te kom, eerder as om in die proses verder van mekaar weg te beweeg.

 

 

 ---  

Gesonde seks begin 'n vip whatsapp groep

 

Gesonde Seks begin 'n VIP Whatsapp groep!

 

Elke jaar probeer ons onsself reinvent
3 Jaar terug het ons met ons Mentorskap program begin, wat nou meer as 24 verskillende aanlyn kursusse bevat.

 

2 Jaar gelede het ons met ons weeklikse wit warm SMS wenke begin, wat nou al duisende mense se sekslewens opgekikker het.

 

2017 begin ons met ons mees ambisieusste betaal program nog. 'n Gesonde Seks VIP Whatsapp groep. Dit sal alles van die Mentorskap en SMS program insluit, en dan so veel meer.

 

Hier is alles wat jy ekstra kry as jy deel raak van die Gesonde Seks VIP WhatsApp groep:

 

  • 100% privaatheid en anonimiteit.
  • Man en vrou word op die groep gelaai.
  • Fokus op sekslewe, huwelik en persoonlike en emosionele groei.
  • Individuele WhatsApp mikro berading en advies.
  • 40% Afslag op alle Gesonde Seks speelgoed en produkte.
  • Ontvang alle NUWE Gesonde Seks produkte (boeke/dvd’s) absoluut GRATIS.
  • GRATIS kaartjies vir “Die Stripshow” en ander GS praatjies in jou area.
  • Weeklikse Podcasts.
  • Gereelde assesserings toetse en uitslae.
  • PLUS toegang tot al 24 van ons Mentorskap program se aanlyn kursusse.
  • PLUS elke Vrydag ‘n Gesonde Seks wit warm SMS wenk.

 

Met ander woorde, hierdie VIP Gesonde Seks WhatsApp groep is soos om jou eie seksuoloog in jou sak te hê.

 

Die VIP Gesonde Seks WhatsApp groep gaan ‘n betaal diens wees soos ons Mentorskap/SMS program, waarvan jy enige tyd van kan kanselleer. Die VIP Gesonde Seks WhatsApp groep kos R250pm.

 

Ons wil graag julle uitnooi om solank op te teken vir ons Gesonde Seks VIP Whatsapp groep wat offisieel eers Januarie 2017 begin. Ons gaan so paar toets lopies doen oor Desember en seker maak die WhatsApp sisteme werk soos dit moet. Help ons om deel van hierdie toets groep te wees. Die eerste maandelikse betaling sal eers in Januarie 2017 verhaal word.

 

 

  ---

10% AFSLAG VIR MY 2017 PTA "DIE STRIPSHOW" AS JY JOU KAARTJIES IN NOVEMBER MAAND BESPREEK.

DIE STRIPSHOW - CENTURION TEATER (27 JANUARIE 2017)

 

Kom kyk hoe hierdie Bybel en seksualiteitskenner al die seksuele taboes en huwelikmites een vir een vir ons kom weg-strip.

Hy strip darem nie met sy klere nie, maar met sy woorde. Maak seker jy loop hierdie skreeu snaakse komedie nie mis nie. 

Lees wat ander van “DIE STRIPSHOW” gedink het.

 

Dit is snaaks...

“Die hele show was amazing! Humor tussen die erns het jou laat lag maar tog laat dink.”

“Die show was so waardevol en so brood nodig in ons tyd.”

“Die Stripshow was skreeu snaaks van begin tot einde.” “Als was flippen snaaks gewees, maar die masturbasie deel het ek uitgehak van die lag. Goeie werk aan almal. Hierdie gaan nog ‘n populere show word in ons land.”

 

Dit is sexy...

“Die strip geel in die begin het die ys gebreek.”

“Die stilletto-ballans-toertjie EN die blou ballas... Ons was in die voorste ry, kon dit nie miskyk nie...”

“Die opblaaspop... Goed om dit uit ‘n ander man se stem te hoor dat die generasie verander en die vrouens is nie net ‘n sekspop nie.”

 

Dit is leersaam...

“Mens kan jou seksualiteit explore en geniet. God het dit gemaak om te geniet.”

“Dat seks nie ‘n taboe is nie. Ek voel Timothy het ook die geloof aspek saam met seks baie intelligent koördineer, sonder om dit vuil en disrespekvol te laat klink.”

“Dit vat skill om so iets aan te vat. Goeie werk Timothy en almal wat aan die show se konteks gewerk het. Ek wil dit graag weer sien, want ek het vriende wat dit sal geniet, want ek het my gat af gelag heeltyd. AWESOME!!!”

 

 

 

As jy 6 of meer kaartjies vir die CENTURION vertoning koop, skenk ek vir jou my nuwe boek

“Maak jou huwelik AFFAIR-bestand” absoluut GRATIS.

 

Kaartjies beskikbaar by Computicket.

 

God seën en Gesonde Seks

Timothy en Janet Kieswetter

 

 

4853

 

 

Ons almal het nodig om te hoor “Ek is lief vir jou” net so veel soos wat ons nodig het om hierdie vir iemand te kan sê. En omdat ons weet hierdie is so belangrik, is dit maklik dat die woorde “Ek is lief vir jou” kan verander in ‘n rympie. ‘n Rympie wat ek opsê wanneer ek gou vinnig iets in my huwelik moet fix.

 

Amper soos wat gebed is. Ons weet dit is belangrik om te bid en daarom leer ons onsself allerhande gebed-rympies. Rympies wat al sy waarde en krag al lank terug verloor het, want dit word gebruik nou as ‘n quick-fix towerstafie gebruik.

“Ek is lief vir jou” is die enkel mees gebruikte sin wat in huwelike net nie meer geglo word nie. Ek sien daagliks paartjies wat op hulle skoon-ma se graf sweer dat hulle nog lief is vir mekaar. Maar die ander persoon weier om dit te glo. “Ek het dit al te veel keer gehoor en te min keer gesien.”

 

Sien “Ek is is lief vir jou” kan so maklik gesê word sonder om enige iets van die spreker te kos. En dit is dan nie ware liefde nie. Ware liefde kos iets. So as jy vir jou maat sê “Ek is lief vir jou”, dan moet dit jou iets kos.

Dit moet jou tyd kos. Tyd om jou foon neer te sit, oogkontak te maak en dit dan te sê.

Ongemaklikheid kos. Om in ‘n groep van jou werkskollegas vir jou maat te sê, “Ek is lief vir jou”

 

Om werklik lief te hê, moet jou ‘n beter mens maak. Jy kan nie liefde gee en ontvang en dieselfde persoon bly nie. Ware liefde verander jou net soveel soos wat dit die ontvanger verander.

 

So hier is vir jou twee woorde, wat baie moeilik rympies word en wat amper elke keer iets van jouself gaan kos asook om te help op jou persoonlike groei reistog:

 

DANKIE en JAMMER

 

DANKIE en JAMMER sien raak die persoon vir wie jy dit sê. Waar “Ek is lief vir jou”, gaan meer oor jou en hoe jy op daardie oomblik voel as wat dit gaan oor die persoon wat dit ontvang. En daarom voel die persoon steeds ongewaardeer en nie raak gesien in die huwelik nie.

 

Maar DANKIE en JAMMER gaan nie oor jou nie. Dit is direk gekoppel aan die ander persoon.

 

Dankie vir wie jy is.

Dankie vir wat jy doen.

Dankie vir JOU.

 

JAMMER is nog sterker as DANKIE. Jammer breek af die onbewuste magstryd in elke huwelik. “My way or the highway”

 

Ons almal wil die laaste sê sê. Ons almal wil reg wees.

 

 

Maar JAMMER draai weg van jouself en lê jy jouself neer voor jou maat. Jammer is ‘n tipe van ‘n liefdesoffer. Ek offer my opinie op. Ek offer my gevoelens op. Ek offer my vrese op. Ek offer my tyd op. Ek offer my siening op.

4807

Paartjies wat nog nie kinders het nie ken nie iets soos ‘n “date-night” nie, want dit is net soos enige ander dag van die week vir hulle. Hulle “date-night” elke aand. Maar die oomblik wanneer jy kinders kry, moet jy eintlik moeite maak om weer ‘n gesprek tussen pappa en mamma te stimuleer. Jy (die vrou) reël ‘n babysitter en gewoonlik ook die plek of fliek wat julle gaan sien, en dan moet Pappa dit neerpen in sy dagboek, dan kan jy begin uitsien daarna. Die aand is jy so moeg, jy wil eintlik net vroeg gaan slaap! Sal die oppasser omgee as jul nie uit gaan nie, maar sy nog die kinders in die bed kry? wonder jy.  Manlief spoor jou aan en jy soek deur jou kas vir iets moois. Nadat jy jou mooi klere afgestof en aangetrek het - net om agter te kom jy het ‘n bietjie dikker geraak vanaf jy laas hierdie aandrok  aangetrek het – klim julle vinnig in die kar sonder dat julle kinders jul sien gaan, want dan gaan hulle die hele aand huil.

 

Julle arriveer, nie by die beste of jou gunsteling restaurant nie, want hy is aan die ander kant van die stad, so julle eet maar eerder by die naaste een aan die huis. Jy bestel dadelik, want jy wil nie die kinders te lank alleen los of die babysitter meer betaal as wat jy vir hierdie T-Bone gaan betaal nie.

Jy eet net helfde van jou kos en besluit jy sal ‘n woefkardoes neem, want dit is tyd om huis toe te gaan. Die woord woefkardoes laat jou dink aan jou seuntjie wat dit so geniet om oor en oor te sê. Jy verlang skielik huis toe.

Het ek genoem dat jy deur dit alles elke 5 minute op jou foon kyk of daar enige boodskap is van die oppasser wat jou laat weet dat jou jongste weer iets in sy neus opgedruk het. En as daar geen nuus van die oppasser is nie, moet jy die gevoel veg om nie die buurvrou te bel en vra dat sy op-‘check’ op die babysitter nie, om te hoor hoekom alles so stil is. Ek oordryf seker. Ek is seker al die mamma’s skakel maklik af en kyk diep in hulle maat se oë die hele tyd. 

Nee, nie heeltemal nie want hy is op sy foon besig om sy game te speel/e-pos te stuur/met sy buddy te chat en jy besluit dit is ‘n goeie tyd om gou ‘n foto van jou “date-night” se kos te neem en op Facebook te plaas.

En wanneer julle wel oog-kontak maak, selfone is neergesit, vind julle dat julle niks het om vir mekaar te sê nie. Daar is ‘n ongemaklike stilte tussen julle, wat julle vinnig besluit om te breuk deur om julle fone weer te check.

Hierdie tipe “date-nights” moet eerder gelos word, want dit werk nie. Dit help nie jou huwelik nie, dit bring julle nie nader aan mekaar nie. Dit beklemtoon net dat julle afgesny is van mekaar.

So hier is wat ek voorstel julle van nou af doen. In plaas van ‘n “date-night” reël julle ‘n DISCONNECT-NIGHT of in suiwer Afrikaans, ‘n Ontkoppel Aand. Ek het hierdie idee gekry tydens ‘n Eskom beurtkragaand. Kinders was vroeg in die bed, fone is pap, TV is swart, rekenaar slaap, te donker om boek te lees (is daar nog mense wat boeke lees?) en heeltemal te vroeg om te gaan slaap.

In hierdie ontkoppel van al die lawaai rondom ons, iewers in die wete dat daar niks anderste is om te doen nie, vind jy weer jou maat deur om net eerlik en lank, lekker te gesels. Dit neem soms moeite om niks anders te vind om te doen nie, behalwe praat met jou maat. Partykeer is die emosionele belegging te veeleisend en daarom val mens maklik terug op die ander ‘veilige’ aktiwiteite. Tegnologiese dinge vra nie dat jy met emosies moet deel nie. Hulle vra nie dat jy onselfsugtig moet luister nie. Ons moet waak darteen dat ons lui raak vir mekaar en die ‘issues’ wat ons eintlik in ons huwelik moet aanspreek, en tegnologie kies as ‘n uitweg, ‘n wegkruip plek, ja, selfs ‘n toevlug.

 

So vir jou volgende “Date-Night” raak ontslae van al die dinge wat raas rondom jou. Sit af jou foon, nie net neer nie, en forseer jouself om deur die ongemaklik stilte wat eers daar tussen julle heers te beweeg, sodat julle DISCONNECT van die wêreld en mekaar probeer vind.

2998

Ek het nog nie veel aandag aan die “BLY KALM”  beweging gegee nie. (Dalk is ek te veel van ‘n rebel om te doen van wat ander doen.) Maar ek het vandag die wysheid agter die twee woorde BLY KLAM besef. Studies wys dat ons al hoe vlakker begin asem haal, ons oefen minder en stres meer. Dan bereik ons ‘n punt waar ons uitbrand. Om uit te brand is nie iets wat oornag gebeur nie. Dit is iets wat opbou en opbou en as jy nie “BLY KALM” nie, gaan jy uitbrand.

Continue reading

Gratis Eboek

Het jy al jou GRATIS e-Boek gedownload?


Jy kan die gratis ebook kry vol wenke en idees om die CEO van jou Huwelike te wees. Lees meer hier.

Twitter Feed

Kontak Ons

Adres:

698 Picassostraat, Moreletapark, Pretoria

Beradings ure:

Ma - Vr: 9:00 - 16:00

Telefoon:

Tel: 086 111 2329

Sel: 082 565 7373

Faks: 086 224 5948

Bly in Kontak

Volg ons op Twitter en Facebook.

Top