Gesonde Seks Blog

Blog oor Gesonde Seksualiteit

  • Home
    Home This is where you can find all the blog posts throughout the site.
  • Categories
    Categories Displays a list of categories from this blog.
  • Tags
    Tags Displays a list of tags that have been used in the blog.
  • Bloggers
    Bloggers Search for your favorite blogger from this site.
  • Login
    Login Login form
Blog posts tagged in Gesonde Huwelik
3111

Hierdie is ‘n vraag wat jou huwelik kan red. Jy sal nie glo hoe baie vrouens kry ek wat kla oor hulle mans wat hulle vuil klere net so op die vloer los, nat handdoeke nie ophang nie en nie help die kombuis skoonmaak na ete nie.

 

Nou ons kan in die dieper sielkundige redes ingaan hoekom mans lui is in die huis. Dit is dalk omdat hulle lank by die werk gewerk het. Dit kan wees dat hulle mamma alles vir hulle gedoen het in hulle kinderjare of dat hulle dink dit is die vrou se rol om haar dankbaarheid aan haar man te betoon wat so goed vir haar sorg.

Wat ook al die motivering is vir hierdie gedrag, dit gaan jou verder van jou vrou dryf en nie nader na haar toe bring nie.

Ek preek hier vir myself ook. Ek is ‘n bietjie lui wanneer dit by huishoudelike dinge kom en dit frustreer Janet baie. Maar maak nie saak hoe hard ek probeer het om te help, die help sal nie vir langer as ‘n dag of twee hou nie. Dan doen ek maar weer my eie ding... wat niks doen is.

Toe ontwikkel ek ‘n tegniek wat my help om te help. Elke keer wanneer ek verby ‘n vuil bord, nat handdoek, stink sokkies, ens., loop dan vra ek hardop vir myself: “En wie dink jy gaan dit doen?”

Hierdie vraag forseer my om ‘n antwoord te kry op my luiheid. Eintlik wil ons mans nie hierdie vraag vra nie, ons wil nie dit antwoord nie, ons wil net hê wanneer ons weer daar verby stap, is dit wonderbaarlik opgeruim.

Maar met hierdie vraag: “En wie dink jy gaan dit doen?” kan ek nie meer ‘n blind oog daarvoor hou nie. As ek myself antwoord “Janet moet dit kom opruim”, (en dit is  gewoonlik die antwoord), dan moet ek sommer haar nou roep om dit te kom doen. En as ek bereid is om dit te doen, mag ek voortgaan om nie ‘n vinger te lig nie. Maar as ek nie Janet wil ‘n opdrag gee om agter my skoon te maak nie, dan moet ek dit SELF doen.

Sien, ons is okei om sekere vanselfsprekende reëls in die huis te hê, maar as ons dit hardop moet noem, sal ons besef dat daardie reëls, van wat ‘n man en wat ‘n vrou moet doen in die huis, maar ‘n bietjie uit oude doos is.

“En wie dink jy gaan dit doen?” het my baie gehelp om my vrou meer te help om my te help.

 

Probeer dit vir ‘n week of so en dan laat weet my of hierdie sin ook vir jou gehelp het om meer by die huis uit te help. Stuur jou terugvoering na Hierdie e-posadres word van Spambotte beskerm. Jy moet JavaScript ontsper om dit te lees. en ek celebrate saam met jou. 

3178

Ek het nog nie veel aandag aan die “BLY KALM”  beweging gegee nie. (Dalk is ek te veel van ‘n rebel om te doen van wat ander doen.) Maar ek het vandag die wysheid agter die twee woorde BLY KLAM besef. Studies wys dat ons al hoe vlakker begin asem haal, ons oefen minder en stres meer. Dan bereik ons ‘n punt waar ons uitbrand. Om uit te brand is nie iets wat oornag gebeur nie. Dit is iets wat opbou en opbou en as jy nie “BLY KALM” nie, gaan jy uitbrand.

Continue reading
3296


Wilskrag. Die krag om jou wil te gebruik. Dit is ons gunsteling ‘go to’ antwoord vir iemand wat lyk of hy/sy ʼn bietjie slapgat is of nie daardie selfsugtige gewoonte of verslawing kan of WIL afskut nie. Byvoorbeeld - wanneer jy konstant met jou man baklei, omdat hy aanhoudend sy vuil klere en nat handdoekke op die vloer gooi en net daar los.

 

“Gebruik net jou wilskrag en tel jou klere op.”

Of die warmbloedige een onder julle wat die hele tyd vir seks moet smeek.

“Gebruik net jou wilskrag en inisieer en geniet seks.”

 

Ek moet bieg die tweede voorbeeld is dalk nie in dieselfde kategorie van eenvoud as die eerste een nie, maar vir die warmbloedige persoon voel dit of hulle maat net nie genoeg WIL het om so lus te wees soos hulle nie.

 

Die “WIL” is ʼn baie komplekse en individuele ding. Net omdat ek “iets WIL” -  beteken dit nie dat ander, selfs my huweliksmaat, dieselfde WIL het nie.

Maar wat van die WIL om my vrou of man gelukkig te hou?

Wanneer  ek sien dat dit vir my maat belangrik is, hoekom WIL hy/sy my dan nie gelukkig maak nie?

 

Daar het interessante navorsing uit die neurologiese gemeenskap gekom waar hulle die krag van die WIL in die brein gevind het. Hulle beweer dat jou wilskrag baie soos die van ‘n spier is wat jy kan oefen, maar meer belangrik, is dit iets wat jou kan moeg maak ook.

Hulle vergelyk dit met die gevoel van oormatige oefening by ‘n gimnasium. Ons almal het dit al ten minste een keer gedoen. Oefen ons arms en bene baie hard, net om met moeite te gym te verlaat, die kar versigtig in te klim en te bid op pad huis toe dat jy nie met hierdie jellie arms en bene ʼn ongeluk gaan maak nie.

Net so is dit dan ook  met ons wilskrag. Jou wilskrag word deur die loop van die dag gebruik om reg of beter op te tree teenoor dinge soos –  wat om te eet?, moet ek mooi praat met my skoonouers?, gaan ek my baas se onbeskoftheid aanhou opvreet?. Al hierdie dinge dreineer jou wilskrag.

Hierdie dreinering van jou wilskrag word genoem Willpower depletion.” Of dan “ Wilskrag Uitputting”

En as ʼn huweliksberader kan ek vir jou sê dat die meeste van die paartjies se bakleiery rondom klein onbelangrike dinge gesentreer word ,en dit in sy beurt dreineer hulle wilskrag om mooi en respekvol teenoor mekaar op te tree. Wanneer die groot geskil kom, soos ʼn skoon slaapkamer of seks vanaand of nie, het beide nie genoeg krag oor om hulle WIL te gebruik om mekaar eerste te stel nie.

Verstaan dat ons elkeen net ʼn seker hoeveelheid krag het om ons WIL te gebruik in elke dag. Wanneer jy dit verstaan ,kan jy ʼn bietjie meer empatie vir jou huweliksmaat hê, wanneer hulle nie doen wat jy vra of voor hoop nie, want jy verstaan dit is nie omdat hulle nie WIL nie, maar omdat hulle nie meer genoeg krag oor het nie.

Oefeninge hoe om jou wilskrag te versterk.

1.            Verwyder die besluitneming oor klein alledaagse takies.  Stel ‘n vaste roetine vir jouself op wat die besluitneming uitwis.

In roetine het jy nie ʼn keuse nie, jy MOéT, daarom gebruik ek nie my WIL nie, maar volg net ʼn roetine. Dit is nie iets waaroor ek hoef te besluit nie. Dit is deel van my daaglikse roetine en daarom doen ek dit. Dit verg geen verdere gedagte nie. Zone uit as jy moet, maar tel die verdomde nat handdoek op en hang dit op.

Maak ʼn seks-dag vas op julle kalender. Maak nie saak wat gebeur deur die week of hoe ek voel nie, Vrydae aande of Saterdae oggende is ons seks-dag. Ek hoef nie daaroor te besluit of dink nie, ek hoef nie wilskrag te gebruik nie. Ek volg net roetine.

2.            Wanneer  jy sien jou maat se wilskrag is gedreineer, weerhou daarvan om enige vereistes aan hulle te stel. Die kanse dat dit in ʼn geveg gaan ontaard - is groot. Help jou maat om sy wilskrag te rus en doen die besluitneming vir hom/haar.

Bv. Liefie ek sien jy is moeg vandag. Ek het sommer jou klere vir jou opgetel en in die wasgoedmandjie gesit. Kom sit en ek maak gou vir jou ʼn lekker koppie tee.

Of

Skat, ek sien jy is gedaan, kom lê, dat ek jou rug masseer. (En na ʼn goeie 30 minute van masseer kan jy haar begin vry en oorgaan seks toe.)

 

Skryf in by ons Gesonde Seks Mentorskap program om jou huwelik en sekslewe te versterk en te verryk. Kliek HIER.

 

 

2938

Die tweede grootste probleem wat ek in berading sien elke dag is die een van kommunikasie. (Die eerste probleem is seksueel van aard.)  En natuurlik as die kommunikasie sterk tussen die paartjie is, is daar ʼn goeie kans dat die intimiteit ook gesond is.


b2ap3_thumbnail_Kommunikasie.jpg

Soos wat ek na my kliënte luister en kommentaar op Gesonde Seks se Facebook blad lees kom ek agter, ons het ʼn baie groot wanbegrip van wat kommunikasie werklik is. Kommunikasie is vir baie slegs om inligting te verruil. Ek voel, dink of beleef iets en wil dit aan jou bekend maak of ek moet lank genoeg stilbly om jou gevoelens, gedagtes en belewenisse kans gee om verruil te word.

 

Solank soos wat ʼn paartjie se kommunikasie slegs bestaan uit om inligting te verruil, sal hulle nooit intimiteit kan beleef in hulle kommunikasie nie en kan dan maklik disintegreer tot waar die een voel sy inligting is nie meer so belangrik soos die ander een se inligting nie. As dit gebeur dan verdwyn die tye van luister na die ander een se inligting voordat jy gereed maak met jou eie inligting. Omdat jy nou voel jou inligting word nie meer as belangrik beskou nie, begin jy net om harder te werk om JOU inligting aan jou maat oor te dra. Met ander woorde, dit eindig op in ʼn skreeu kompetisie.

b2ap3_thumbnail_Kommunikasie2.jpg

Wat ek vir my kliënte uitwys is dat kommunikasie veel dieper kan wees as net ʼn platform waarmee jy inligting verruil. As jy kommunikasie kan sien as ʼn “plek” in plaas van informasie, het jy sopas ʼn groot paradigma skyf gemaak.

 

Genesis 2:25 praat van die man en sy vrou wat albei kaal voor mekaar gestaan het en geen skaamte geken het nie. Dit beskryf nie wat hulle vir mekaar gesê het nie, maar eerder die konneksie, die plek waar hulle mekaar gevind het.

b2ap3_thumbnail_Kommunikasie3.jpg

Die sleutel om ʼn konneksie te maak tydens kommunikasie is nie om te luister of selfs om terug te reflekteer nie (albei van hierdie is baie goeie en belangrike tegnieke in effektiewe inligting verruiling), want om ʼn konneksie te maak is op ʼn dieper vlak, om jouself in die ander persoon se skoene te plaas. Die konneksie tydens kommunikasie is soos ʼn “Ah-Ha” oomblik. Eweskielik voel dit asof tyd stil staan en die wêreld rondom julle verdwyn.

Julle bevind julleself alleen in ʼn baie intieme en broos plek. ʼn Plek waar woorde nie nodig is nie.

Hierdie is ʼn veilige plek. ʼn Plek van eenheid.

Hierdie is ʼn plek waar jy jouself as individu vir ʼn oomblik verloor en een word met jou maat. Jou vrese, emosies en begeertes het vir hierdie oomblik verdwyn en sonder dat jou maat vir jou enige iets hoef te sê of te verduidelik, weet jy. JY is daar. Julle vind mekaar daar.

Jy sal weet wanneer julle ʼn konneksie gemaak het. Dit is soos ʼn kommunikasie orgasme.

Hierdie artikel is maar net om jou bewus te maak van hierdie intieme “konneksie” plek iewers weggesteek in julle kommunikasie. Vind dit deur om jouself in jou maat se situasie te plaas en die wêreld deur hulle oë te sien en doen dit in dieselfde oomblik waar jou maat dieselfde doen om hulleself in jou skoene te plaas, en daar beleef julle iets wat goddelik is. Waar twee een word.

As julle wil verbeter in julle kommunikasie, skryf in vir ons kommunikasie kursusse op ons mentorskap program.

Verbeter jou kommunikasie Deel 1: 

Verbeter jou kommunikasie  Deel 2: 

 

Gratis Eboek

Het jy al jou GRATIS e-Boek gedownload?


Jy kan die gratis ebook kry vol wenke en idees om die CEO van jou Huwelike te wees. Lees meer hier.

Twitter Feed

Kontak Ons

Adres:

698 Picassostraat, Moreletapark, Pretoria

Beradings ure:

Ma - Vr: 9:00 - 16:00

Telefoon:

Tel: 086 111 2329

Sel: 082 565 7373

Faks: 086 224 5948

Bly in Kontak

Volg ons op Twitter en Facebook.

Top