Gesonde Seks Blog

Blog oor Gesonde Seksualiteit

  • Home
    Home This is where you can find all the blog posts throughout the site.
  • Categories
    Categories Displays a list of categories from this blog.
  • Tags
    Tags Displays a list of tags that have been used in the blog.
  • Bloggers
    Bloggers Search for your favorite blogger from this site.
  • Login
    Login Login form
Blog posts tagged in Masturbasie
7609

Deur Janet Kieswetter 

As gevolg van baie vrae hieroor, skryf ek nou die artikel waar ons ons standpunt hieroor baie duidelik maak. In ‘n sin, glo ek en Timothy dat masturbasie binne en buite die huwelik nie sonde is nie. Inteendeel, ons glo dat dit ‘n gesonde deel van die huwelik kan opmaak.

Die Bybel maak geen uitspraak spesifiek oor masturbasie nie. Die verse wat verwys na ‘seksuele immoraliteit’ glo ons sluit nie masturbasie in nie. Daar is baie wie sê dit doen. Maar ons glo nie masturbasie is immoreel nie. Ons sal so vêr gaan om te sê dat masturbasie self-liefde is en ons is gesê om lief te wees vir jouself.

Ek gaan fokus aan die voordele van masturbasie in die huwelik.

Ons kry baie briewe van mans wat van swaarkry in ‘n huwelik waar hulle vrouens nie vir hulle seks gee nie. Soms kry hulle een keer per maand, soms net op hulle verjaarsdae. Soebat en smeek werk min. Eerder as om ‘n derde persoon te betrek, gaan hierdie man masturbeer en ontslae raak van die opgeboude testosteroon in sy liggaam. En dis ‘n uiterse voorbeeld. Daar is baie paartjies wie se libido eenvoudig nie dieselfde is nie. Mans en vrouens wat elke dag seks sou wou geniet. En mans en vrouens wie net een keer per week lus voel. Daar is niks fout nie, hulle hormone verskil net.

Dikwels het die vrou goeie redes vir haar lae libido. Daar is klomp moontlike redes van emosionele leemtes tot sielkundige redes, tot biologiese probleme. Ter voorbeeld, sukkel baie vrouens met kandida wat baie ongemak in hulle privaatdele veroorsaak. Die probleem kan vir maande aangaan voor sy die regte medikasie gebruik en seks is uit tot dan. Daar is die wie voel haar man moet droëbek wag tot sy gereed is, maar ons voel, dit kan hulle verhouding benadeel. En dis onnodig. In ons opinie, is Masturbasie die God-gegewe uitweg vir soveel paartjies.

Wat van die man wat oorsee werk? Plaas daarvan om te ‘sample’ van die eksotiese vrouens wat hulself by alle konferensies beskikbaar maak, kan die man veilig in die privaatheid van sy hotelkamer, homself help. Ons stel voor dat hy foto’s van sy vrou het of selfs met haar Skype. Sy verlang ook na hom!

b2ap3_thumbnail_vrou-masturbasie.jpgWat my bring tot vroulike masturbasie. Mag vrouens nie hulself ook plesier nie?! Is dit selfsugtig? Baie sê dit is. Statistiek sê dat minder as 33% van vrouens klimaks (orgasme) bereik tydens seks. So baie vrouens het onvervulde sekslewens. Dit is wanneer dit oorgaan na ‘n plig toe. Dit is wanneer dit werk word om seks te hê. Vrouens wat seks glad nie geniet nie wil minder seks hê en dit begin die bose kringloop van ‘n huwelik wat stagneer. ‘n Man wat kwaad en afgeskeep voel gee nie liefde en aandag nie. Die vrou voel seergemaak en raak weer afsydig. Hulle dryf uitmekaar uit. En alles omdat die vrou nie seks geniet nie!

Hoe kan sy leer om seks te geniet? Deur om te masturbeer en haar opwekking te leer ken. Dit is soos ‘n eindbestemming wat mens beter onthou, hoe meer keer jy dit ry. ‘n Vrou wat oor en oor orgasme beleef (deur om dit self te vind) sal nie net haar man kan begelei soontoe nie, maar sal meer sexy en eroties oor haarself voel. Sy sal meer seks wil hê en geniet omdat sy haarself aanskou as ‘n seksuele vrou. Ek glo dit is broodnodig in ons land dat vrouens meer sexy voel en hulle libido bestuur sodat seks vir hulle wonderlik lekker is.

Ek het nou klomp redes gelys oor hoekom ons dink masturbasie so nodig is in die huwelik. Dit is om mense te probeer oortuig dat die huwelik nie daarsonder gesond kan wees nie. Maar dit kom eintlik neer op ‘n verskil in die siening oor seks in die huwelik. Baie Christene glo dat seks net kan plaasvind tussen die twee mense in die huwelik. Maar ons sê dat die huwelik opgemaak is van twee individue en dat daardie individue seks apart beleef.  Hoe gesonder die individue se seksuele kennis is van hulself, hoe beter gaan die seks saam wees!

Ons leuse is dat “Gesonde Seks bevorder Gesonde Huwelike” en ons glo masturbasie is deel van gesonde seksualiteit.

Vir meer oor ons Gesonde Seks siening, beveel ek regtig aan julle lees my man se nuutste boek “Gesonde Seks”. Dit sal jou hele siening rondom die seksuele mens verander en vir jou die sleutels gee tot ‘n vervulde huwelik.

Die boek is tans in alle goeie boekwinkels beskikbaar of jy kan dit direk by ons bestel. Stuur vir ons ‘n epos na Hierdie e-posadres word van Spambotte beskerm. Jy moet JavaScript ontsper om dit te lees. met jou naam, van en posadres en hoeveel boeke jy verlang. Jy kan ook die boek direk van ons webwerf bestel. 

 

 

3097

Gesonde Seks Movie review – Don Jon

Romanties:                                       1/5

Eroties :                                            4/5

Gesonde Seks Boodskap:              5/5

Ouderdoms beperking:                  18 S,N,L

Director: Joseph Gordon-Levitt

Writer: Joseph Gordon-Levitt

Stars: Joseph Gordon-Levitt, Scarlett Johansson, Julianne Moore

Ons wou al ‘n geruime tyd met ‘n Gesonde Seks Movie review begin, en met watter beter movie as een oor pornografie en masturbasie om mee te begin. Hou net asb in gedagte hierdie is nie ‘n gewone movie review wat na acting, geweld, taal, of enige iets anderste wat ‘n goeie movie laat uitstaan van ‘n swak een nie. Hier gaan ons movies review wat ons voel het ‘n sterk Gesonde Seks boodskap om te vertel.

Kom ek begin om te noem dat hierdie fliek – Don Jon, is rof en onbeskof. As jy ‘n sensitiewe kyker is, moet jy maar eerder hom ‘n mis gee.

Maar as jy bereid is om taal, krasheid, seks en nudity verby te kyk (ek weet nie hoe baie mense wil seks en nudity verby kyk nie) vind jy ‘n baie insiggewende blik op die krag van pornografie en masturbasie op die man.

Die storie gaan oor ‘n jongman wat passie voel oor sy lyf, kar, huis, vrouens (ja daar is baie one-night-stands), sy kerk en sy familie.

Maar maak nie saak hoe baie seks hy saam met mooi vrouens het nie, sy behoefte om porn te gaan kyk is oorheersend en los hom om happy endings vir homself te gee.

Sy girl (aktriese Scarlett Johanson, wie grootliks bydra tot die erotika van die movie) vang hom en dit is die einde van die verhouding. (In berading vind ek BAIE huwelike wat op die rotse kom as gevolg van agter die rekenaar kom.) In my opinie, is pornografie NIE ‘n rede om te skei NIE.

Hierdie fliek verduidelik aan die vrou wat ‘n man van porn kry en wat die groot trekkingskrag is van pornografie. Libido energie kan voorgestel word soos die vloei van water. In die sin dat dit soek altyd die pad van die minste weerstand. As ‘n ou lus is en hy voel hy kan makliker en vinniger by orgasme uitkom as om nou eers sy vrou in die mood te kry, dan raak porn ‘n baie goeie alternatief. (click, click, click, ahhuuuhaaa.)

Hier is twee dinge wat ons hier kan leer.

#1 Pornografie leer vir die man ‘n baie selfsugtige stel van seksualiteit. As jy werklik seks wil geniet SAAM met iemand gaan jy moet kan gee net so veel (eintlik meer) as wat jy ontvang. Met porn, hoef  jy niks te gee nie (soms jou kredietkaart), maar dit is net ek, ek, ek, ek. (Wat die hoofkarakter aan die einde van die movie wel begin agterkom.)

#2 Pornografie leer vir die vrou dat haar man nie lief is vir haar nie, dat sy nie goed genoeg is nie, dat die seks wat hy by haar kry is boring, ens, ens. Let op alles is ook, ek, ek, ek, ek. Maar omdat dit haar man was wat die porn kyk, is sy in die reg en daarom is haar EK meer geregverdig as sy ek. Dames moet verstaan dat as hulle mans porn kyk, dit NIE ‘n refleksie is van hulle vermoë om ‘n goeie vrou te wees nie. Dit is jou man se eie issues en worstelings wat hom daaraan gebonde hou. So as jy regtig daar wil wees vir jou man, moenie die porn nou oor JOU maak nie, maar luister en wees daar vir HOM. (In die meeste van die berading wat ek met mans werk oor porn verslawing is daar amper altyd ‘n dieper emosionele rede hoekom porn die meester is in sy lewe. En wanneer die vrou emosioneel reageer en die ‘victim’ kaart speel, help sy nie veel vir haar man om met sy emosionele wortel te deel nie. Inteendeel, dit laai net die skuld en maak die ontvlugting al hoe meer aanloklik.

 

 

Pornografie in dit self kan nooit ‘n huwelik vernietig nie. Dit is ons reaksies daarop wat huwelike verwoes. So as jy iets wil verander, verander jou gesindheid en besluit om jou huwelik bo jouself te kies.

 

Don Jon Trailer

 

8620




Niks fout met ‘n bietjie solo-aksie nie!

Deur Timothy Kieswetter

Pasop! As jy te veel masturbeer gaan daar hare op jou hande groei, maar moenie worry nie - jy gaan ook terselfdertyd blind raak, so jy sal nie die hare op jou hande raak sien nie! Jy moet natuurlik ook onthou dat elke keer wat jy masturbeer, God ’n klein katjie doodmaak (ja, dit is inderdaad wat die oumense gesê het) En as dit waar sou wees, is dit dalk die enigste rede hoekom katte nege lewens het – omdat die Here geweet het hulle gaan dit nodig kry!

Daar is allerlei mites en bangmaakstories oor masturbasie want behoede ons voorgeslagte as jongmense net sou dínk aan seks!  Vandag aanvaar almal die statistiek dat 99% van seuns masturbeer terwyl die ander 1% daaroor lieg. Maar steeds durf jy dit nie geniet nie want, meen die doemprofete daarbuite, jy is besig met wellus! Jy sukkel met selfbeheersing! En ‘n meisie wat daaraan dínk om te masturbeer, is sy summier ‘n goedkoop floozy…

Is dit nie absurd nie? Eintlik verklap ons samelewing se vrees en verdoemenis van masturbasie eintlik net hoe ons werklik oor seksualiteit voel. So, vergeet al die waarskuwings en stellings hierbo en relax!

Masturbasie speel ʼn baie belangrike rol in die ontwikkeling van elke tiener-seun en dogter se identiteit. Wil jy eendag  ʼn goeie lover wees? Leer dan om gemaklik met jou eie seksualiteit te wees. Omdat ons geleer is om skuldig te voel oor masturbasie –  iets wat ons eintlik kan help om langer maagde te bly en ons voor te berei vir vervullende seks in die huwelik –  het dit nou iets geword wat verhoed dat ons ons seksualiteit kan geniet.

Kan masturbasie regtig jou virginity help bewaar?

Slegs drie generasies terug het die gemiddelde persoon puberteit ongeveer tussen 18-19 jaar bereik; vandag is dit nader aan die ouderdom van 10 jaar. Waarom die dramatiese verandering? Die kos wat ons eet het bygedra hiertoe. Amper elke anorganiese produk wat ons in ons monde sit bevat groei hormone. Hierdie groei-hormone het ongelukkig ʼn negatiewe effek op die liggaam se ontwikkeling en daarom bereik tieners al hoe vroeër puberteit.

Saam met hierdie vervroegde seksuele-ontwikkeling, trou ons ook baie later as ons oupa- en oumagrootjies. Die gemiddelde ouderdom om te trou, het ook intussen verskuif vanaf 20-25 na 26 - 30  jarige ouderdom. Dit het veroorsaak dat daar  vyftien tot twintig jaar is wat ons verbete ons jillende hormone op hok moet probeer hou! Dat ons selibaat moet bly gedurende ons seksuele piek ... geen wonder daar staan vandag so min maagde voor die kansel nie!

So, wat is die oplossing? Jy kan óf begin rondslaap om van daardie seksuele frustrasie ontslae te raak, in welke geval daar waarskynlik ‘n onbeplande swangerskap op jou wag en jy moeilike keuses moet maak, jy ‘n seksueel oordraagbare siekte (of selfs VIGS) kan opdoen en jou jong lewe met ‘n sak vol bagasie moet begin. Of jy kan leer om jouself te bevredig sonder om skuldig daaroor te voel of bang te wees daarvoor. Dit is ‘n veilige uitlaatklep vir die opgeboude testosteroon in jou lyf. En dit kan jou ‘n beter kans gee op ‘n gesonde sekslewe wanneer jy die dag getroud is.

En mag ‘n girl enigsins in daardie rigting dink?

Hoe baie gebeur dit nie, dat ’n meisie met haar heel eerste kêrel op ’n date gaan waar hy ’n bietjie sy luck push. Hy vat aan haar been en sy bly sit, want dit is lekker. Sy hand glip hoër. Of hy begin by die skouer en stelsel matig glip sy hand al hoe laer… Interessant hoe seuns nie altyd oplet in biologie-klas nie, maar oor die vrou se anatomie is hulle kenners!

Teen die einde van die aand is jy in die sewende hemel en smoorverlief. Geen ander ou het jou al ooit so laat voel nie; dis die eerste keer dat jy sulke warm gloede kry en dinge daaronder warm raak! Jy is oortuig daarvan dat hierdie ou die liefde van jou lewe is en jy dink al name vir julle kinders uit. Kort voor lank word jy gekonfronteer met die versoek: “As jy my liefhet, sal jy saam met my slaap.” Dis nie eintlik reg volgens wat jou ouers en die kerk jou geleer het nie, maar jy moet op  ʼn manier jou liefde vir hierdie ou bewys ... nee wat, dit is eintlik jou lyf wat praat.

En  ʼn meisie wat gemaklik is met haar liggaam en haar seksualiteit en dit al voorheen op haar eie ontdek het, ken die gevoel van seksuele prikkeling. Sy weet wanneer is dit haar hart wat praat en wanneer is dit haar lyf. Sy weet hoe dit voel as sy haarself aanraak. Daardie gevoel is nie liefde of verliefdheid nie. Dit is eenvoudig jou liggaam wat seksueel reageer as die regte knoppies gedruk word. Jy is ingelig oor die onderwerp en gaan nie sommer val vir die “as jy my liefhet . . . “ storie nie.

Jy geniet jou seksualiteit en jy pas dit op tot eendag wat jy gereed is om dit vir jou huweliksmaat te gee. Saam gaan julle seks geniet en nie net daar lê en dink dis iets wat jy vir jou man moet gee nie. Jou seksualiteit  is nie in enige man se hande nie, maar in jou eie.

Vergeet die porn!

Dit neem die gemiddelde man 3-5 minute om ʼn orgasme tydens seks te bereik waar dit ʼn vrou ongeveer 15-20 minute neem. Ek was nog nooit goed met wiskunde nie, maar hierdie is  ʼn duidelik probleem wat selfs ek kan insien. Die ideaal sal wees vir jou om jouself te leer om ʼn bietjie langer uit te hou sodat jy en jou vrou albei saam ʼn klimaks kan bereik.

Baie seuns maak die fout om te masturbeer terwyl hulle na pornografie kyk. Pornografie is ‘n issue vir ‘n ander dag en ‘n onderwerp wat allerlei probleme kan veroorsaak. Maar in hierdie verband laat dit jou skuldig voel. Jy wil dit so gou moontlik oor en verby kry – met die gevolg dat jy jou liggaam train om al hoe vinniger ‘n klimaks te bereik. Jy fokus nie op die gevoel en sensasie van jou eie lyf nie, maar oorstimuleer jouself en jou uithouvermoë raak al hoe swakker! En waar laat dit jou die dag wel getroud is en goeie seks wil hê?

Vergeet van die kaal (en unreal) lywe op prentjies. Fokus eerder op jou lyf se reaksie en leer jouself só om langer uit te hou en beheer te neem. So kan jy en jou vrou eendag ‘n fantastiese sekslewe he!

Masturbasie gaan daaroor om jou seksualiteit in ʼn veilige omgewing te ontdek, te leer ken en te bemeester. Jy hoef en mag nooit van iemand anders afhanklik te wees om jou eie liggaam te leer beheer nie. Pornografie maak dit moeilik vir ʼn seun om homself te beheer en sy liggaam reg te leer.

En as ʼn meisie dink dat die eerste ou wat haar seksueel prikkel haar trouman is, is die kanse baie goed dat haar hart en haar maagdevlies gebreek gaan word!

So, wees rustig. Smyt die skuldgevoelens by die deur uit en beskou jou seksualiteit as jóúne. Iets wat jy mee mag eksperimenteer in jou eie kamer (solank dit nie inmeng met jou sosiale lewe en skoolwerk nie want dan raak jou plesiertjie ‘n obsessie!). Jy het tien tot vyftien jaar om ‘n meester van jou lyf en jou seksualiteit te word en dan en niks daaraan is vuil of vieslik nie. Jou seksualiteit is deur God aan jou gegee. Dit is ‘n geskenk, so embrace dit en sê dankie – maar pas dit op. As jy nóú jou seksualiteit reg bestuur, kan jy en jou huweliksmaat eendag ‘n gesonde en baie vervullende sekslewe geniet.

Maak seker jy kry ons 1uur praatjies vir tiener seuns en tiener dogters oor gesonde seksualiteit. Beskikbaar as MP3’s of as CD’s en GRATIS wanneer jy my seks voorligting boek koop vir tieners "Die Naakte Feite"

https://www.gesondeseks.co.za/index.php/winkel

 

3097

ImageMasturbasie

“Onan het geweet dat die kinders wat gebore sou word, nie as syne beskou sou word nie, en daarom het hy elke keer as hy met die weduwee van sy broer gemeenskap gehad het, gesorg dat sy saad op die grond kom. Hy wou nie dat daar kinders vir sy broer gebore word nie.” -          Genesis 38 : 9

 

 

Meer oor sy storie

Hierdie is een van die Bybel verse rondom seksualiteit wat dikwels verkeerd geïnterpreteer  word. Baie gebruik hierdie storie van Onan om te bewys dat masturbasie verkeerd, sonde en teen God se beginsels gaan. Hierdie is ’n leuen. Masturbasie is nie verkeerd nie of sonde nie. Soos wat ons in die ‘Wat sê die wetenskaplikes’ afdeling sal sien is dat masturbasie ’n baie gesonde en belangrike rol speel veral in ’n man se lewe. Maar eers meer oor Onan se storie.            

Onan se broer het gesterwe sonder om enige seuns agter te los om sy naam voor te sit. Daarom het Onan se pa vir hom gevra om met sy skoonsuster, Tamar te trou, sodat sy ’n kind kan baar vir sy oorlede broer. Maar Onan was nie lus om dit te doen nie, so het hy toe elke keer wanneer hy seks met haar gehad het, coïtus interruptus[1] gedoen, om seker te wéér hoed dat sy swanger kan raak..

God was ontevrede met Onan gewees, nie omdat hy sy saad op die grond gemors het nie, maar omdat hy nie vir haar kinders wou gee nie.  ’n Kind is vir ’n weduwee soos haar uittree annuïteit is. As ’n vrou nie kinders, spesifiek seuns kon kry nie, moes sy nog by haar vader se huis bly.[2] Want sy as vrou kon nie vir haarself finansieel sorg nie. Sy moes of deur haar pa, man of seuns onderhou word.

So Onan het net met haar seks gehad, sonder om verantwoordelikheid te neem. Hy wou net dit geniet, sonder om daarvoor te betaal. Hy het Tamar gebruik om van sy seksdrang ontslae te raak, maar nooit vir haar gegee wat sy nodig gehad het nie.

Les vir die moderne man

Sommige mense redeneer dat God kwaad vir Onan was omdat hy sy saad gemors het. Dus om te masturbeer, sal God ook kwaad maak, want jy is nie besig met prokreasie ‘seks’ nie. Masturbasie is genot ‘seks’ as ons dit in een van die drie funksies móét sit. As hierdie redenasie reg is, dan moet al die voorbehoed middels ook God kwaad maak en sonde wees, want jy mors jou saad. God wil hê dat ons kinders moet kry, verseker, maar Hy het ook bedoel dat ons ons seksualiteit kan en mag geniet sonder om elke keer met prokreasie ‘seks’ besig te wees.

In die hoofstuk Job – Wellus, leer ons presies wat is seksuele wellus en wat is dit nie. Maar die les vir die moderne man, rondom Onan is dat jy nie hoef skuldig hoef te voel elke keer nadat jy gemasturbeer het nie, want dit is nie sonde of verkeerd nie.[3]

Man tot Man

Masturbasie gaan jou nie blind maak of veroorsaak dat jy hare op jou hande gaan groei nie. Dit moet jou ook nie skuldig laat voel nie. Al wat dit jou moet laat voel is...verlig.

Wat sê die wetenskaplikes

Masturbasie maak baie Christen baie ongemaklik, want die kerk se seks etiek lê klem op die verhouding-seks. Daar is ’n wanpersepsie dat ons seksualiteit aangeskakel word wanneer ons trou en slegs gerig is tot die persoon wie daardie ring aan ons vinger gesit het. Hierdie is nie waar nie. Ons is seksuele wesens nog voordat ons getroud is. Al die seksuoloë wat ek al mee gepraat het en wie se boeke ek al gelees het, sê dat wanneer ’n individu sukkel om orgasme te bereik tydens penetrasie seks, lê die probleem baie maal in die feit dat die individu nie ’n goeie en ontwikkelde seksuele self-beeld het nie. Betty Dobson maak ’n radikale stelling wanneer sy sê dat masturbasie is ons primêre seks lewe. Dit vorm ons seksuele basis. En wanneer ons van uit daardie oogpunt na die Bybel vers Genesis 2:25 gaan kyk sal ons sien dat dit wel sin maak. “Die man en sy vrou was albei kaal, maar hulle was nie skaam nie.”

Dink gou ’n bietjie hoe vinnige sal jy jou klere uittrek en voor jou vrou staan as jy nie eers gemaklik is met jou eie lyf nie. Daar was ’n paartjie (meer as 20 jaar getroud met kinders) wat ek beraad het waar hulle mekaar nog nooit eers kaal gesien het nie. Jy sal sukkel om jou seksualiteit, kaal, 100% vir jou vrou te wys as jy nie eers vir jouself in die spieël kan kyk nie.

Die statistiek sê dat 92% van mans en 62% van vrouens het al ten minste eenmaal in hulle lewe gemasturbeer. [4]  Die miete dat masturbasie is iets slegs vir tieners is ook onwaar bewys deur ’n opname van getroude paartjies. Die opnames het gewys dat 72% van mans en 68% van vrouens tyd maak vir masturbasie al is hulle getroud. [5]

Ek glo in ’n huwelik waar die man en vrou kaal staan voor mekaar. Met ander woorde, dat daar niks in die geheim gebeur nie. Masturbasie of enige ander seksuele aktiwiteit wat in die geheim gedoen word, sal skuld veroorsaak en afbreek doen tot die huwelik. Maar dit is nie die masturbasie se skuld nie, eerder die geheim houding daarvan!

Masturbasie hou voordele vir die enkel man asook vir die getroude man in. Dit gee vir die enkel man ’n veilige uitlating vir sy seksuele drange. En is voordelig vir die getroude man wie se seks-dryf (libido) baie hoër is as sy vrou sin. In plaas dat sy elke keer moet instem om seks met hom te hê wanneer hy daarvoor lus kry, kan sy vir hom permissie gee om homself lekker te maak. Speel rond met wat werk vir julle en wat gemaklik is met albei van julle. Dalk gee sy vir jou ’n foto van haarself, of skets vir jou ’n fantasie wat jy kan gebruik tydens masturbasie. Ander kere kan sy vir jou begin of net ’n lekker vry te gee en jou dan stuur vir ’n lekker warm stort!

In opsomming

  • God was nie kwaad vir Onan omdat hy sy saad gemors het nie, maar omdat hy sy verantwoordelikheid nie nagekom het nie.
  • Ons is seksuele wesens nog voordat ons trou.
  •  Masturbasie ontwikkel ’n goeie seksuele self-kennis wat bydra tot jou algemene seksuele bevrediging.


[1] Coitus interruptus is wanneer ’n man sy penis uit die vrou se vagina uit trek net voordat hy gaan ejakuleer. Hierdie is ’n baie primitiewe manier van voorbehoed middels en is nie 100% effektief nie en jy kan ’n vrou swanger maar deur om coitus interruptus te doen.

[2] Genesis 38:11

[3] Wanneer ek ’n “Christen” seks boek optel, blaai ek dadelik na die hoofstuk oor masturbasie en afhangend wat die boek oor dit sê, sal my oortuig om die res van die boek te lees of nie. En een van die “Christen” seks boeke wat ’n baie goeie en oop siening het oor masturbasie is die boek “Die A tot Z van Seks” deur Elmari Craig en Hennie Stander. Volgens my is dit die beste Afrikaanse “Christen” seks boek beskikbaar. ’n Absolute moet lees.

[4] Die Kinsey seks opname is die mees gerespekteerde data oor seksualiteit deur seksuoloë en ander professionele professies.

[5] “Masters and Johnson on sex and human loving.” Bl.296

Gratis Eboek

Het jy al jou GRATIS e-Boek gedownload?


Jy kan die gratis ebook kry vol wenke en idees om die CEO van jou Huwelike te wees. Lees meer hier.

Twitter Feed

Kontak Ons

Adres:

698 Picassostraat, Moreletapark, Pretoria

Beradings ure:

Ma - Vr: 9:00 - 16:00

Telefoon:

Tel: 086 111 2329

Sel: 082 565 7373

Faks: 086 224 5948

Bly in Kontak

Volg ons op Twitter en Facebook.

Top