Gesonde Seks Blog

Blog oor Gesonde Seksualiteit

  • Home
    Home This is where you can find all the blog posts throughout the site.
  • Categories
    Categories Displays a list of categories from this blog.
  • Tags
    Tags Displays a list of tags that have been used in the blog.
  • Bloggers
    Bloggers Search for your favorite blogger from this site.
  • Login
    Login Login form
Blog posts tagged in ouerskap
631

deur Timothy Kieswetter

Ek het hierdie in my beradings praktyk teë gekom, en ek self het gesukkel om dit te glo, want ons samelewing hou mos van alles wat goed lyk en verwerp alles wat sleg lyk. Die probleem met dít is dat nie alles wat op die oppervlak goed lyk, egter goeie nagevolge het nie, en nie alles wat eers sleg lyk, draai noodwendig sleg uit nie.

Ek het nou alreeds ‘n paar kliënte gesien en beraad wat almal dieselfde patroon vertoon. Hulle sukkel om geluk in hulle huwelike te vind, ten spyte van die feit dat hulle in heel normale huwelike is met ‘n huweliksmaat wat hulle lief het.  Ek het al oor die jare gevind dat daar drie plekke van huweliksprobleme is;

1) my huweliksmaat is die probleem,

2) my omstandighede is die probleem of

3) my kinderjare is die probleem.

Met ‘n bietjie dieper ondersoek in hulle kinderjare in, kom ek agter dat daar niks behalwe geluk, liefde en aanvaarding is nie. Wat op aarde kan dan die probleem wees?

In al hierdie gevalle vertel hulle my van hulle wonderlike verhouding met hulle ouers. Die vrou kliënte vertel van hulle pa’s en die mans kliënte vertel van hulle moeders.

Hulle het almal ‘n buite gewoon sterk verhouding met hulle ouer gehad, en daardie ouer kon net absoluut niks verkeerd doen nie. Hier is nou juis waar die probleem begin. Wanneer daardie rolmodel vir jou toekoms man of vrou absoluut niks verkeerd kan doen nie, en vir jou (as kind) alles in die wêreld doen, lyk dit soos iets wat die samelewing gaan sien as iets goed, maar in werklikheid, het dit baie slegte nagevolge.

Wanneer die rolmodel van die man en vrou in die persoon se onderbewuste nooit ‘n fout maak, nooit teleurstel nie, en hom/haar altyd bo almal en alles stel, gaan daardie persoon verseker huweliksprobleme optel.

Want niks gaan ooit goed genoeg wees nie en geen man of vrou gaan ooit kan opleef teen daardie onrealistiese super-ouer verhouding nie.

Kliënte met super-ouers vind soms onnodig fout by hulle huweliksmaat om hulle onderbewuste se ongeluk te verduidelik.

In berading, begin ons dus nie om aan die huwelik te werk nie, maar om aan die beeld van die pa of ma te werk. Om hulle stelselmatig van die “super held” kategorie te begin speen en hulle as regte mense te sien, met regte foute. En dit is eers wanneer ons suksesvol ons rolmodelle van super helde tot normale mense kan skuif, wanneer ons ons huweliksmaat kan begin waardeer vir wie hulle is.

Met dit in gedagte, het ek my eie verhouding met my dogters gaan ondersoek. En ek vind dat ek toe nie die super held rol vertolk nie. Ek doen nie alles vir hulle nie. Ek kan soms lekker selfsugtig wees. Ek kan ook soms onregverdig pakslae en dissipline gee. En ek stel hulle soms teleur.

Ek is net ‘n normale man. ‘n Normale pa. Wat vir my dogters die rolmodel van ‘n normale man neerlê. Sodat wanneer hulle eendag ‘n normale man trou, sal hulle nie ongelukkigheid voel omdat hy nie alles reg doen nie. 

 

Maar omdat ons gesonde normale rolmodelle wil vertolk, stop ons nie net by die herkenning van ons menslikheid of normaliteit nie, as ‘n verskoning om nie te verander en groei nie. Ons gebruik dit as ‘n springmat om ons verhoudings te verdiep.

So ek leer my dogters dat hulle met my kan kom praat wanneer ek hulle teleurstel of wanneer hulle dink ek is onregverdig, ek sal daarna luister, en ....wag vir dit -  jammer sê en saam aan ‘n opmaak plan werk.

So ouers, moet nie alles vir jou kinders doen en ‘n valse super held rolmodel vir hulle skep nie. Dit gaan hulle ongelukkig maak in hulle huwelik.

Leer hulle eerder dat om ‘n werkende liefdes verhouding te hê, gaan daar teleurstellings wees, hartseer ervaar word en soms foute begaan word. Saam met ‘n openlikheid om daaroor te praat, gekoppel aan die vermoë om maklik en opreg jammer te kan sê en saam aan oplossings en opmaak maniere te kan dink - is hoe ons die verhouding beter gaan verdiep en versterk.

 

Stereotipies is daar gewoonlik twee groepe waarin ‘n ouer kan val. Die super-ouer kategorie of die afwesige-ouer kategorie. Al twee van hierdie gaan jou kind opfoeter. Vind ‘n balans in die middel by die betrokke-ouer kategorie.

Wees net daar vir jou kind, moenie toegang weier tot jou kind nie en moenie jou foute van jou kind wegsteek nie. Met ander woorde, wees ‘n betrokke en eerlike ouer vir hulle en dit sal hulle goed ten staan kom in hulle toekoms wanneer hulle liefde moet vind in die regte wêreld met regte normale huweliksmaats.

856

Kaapstad is volgende om Timothy Kieswetter se nuutste opvoedkunidge komedie “Kinders by Dosyne” te sien.

20, 21 Oktober | 19:00 | Hoërskool Durbanville Ouditorium | iTickets | R150 

 

Hier is van die mense se terugvoer wat die openingsaand in Pretoria gesien het.

“Hulle sê laughter is the best medicine.... en ekt meer gelag gistraand as wat ek in 'n hele jaar gelag het! En dit vir die simpel goed wat my by die huis teen die mure uitdryf. "Celebrate the poop people!!"(inside joke-jy sal die show moet kyk!) so Timothy, dankie vir al die geld wat jy my spaar op happy pills, I'm good to go 
Ek hoop daar's 'n opvolg!!!”

“Timothy! Jyt jou game geup!!!! Wat 'n show die Stripshow was awesome, maar my maag spiere is vanoggend nog seer na Kinders by Dosyne! 'n Moet sien vir enige iemand met kinders in hulle lewe! Soveel waarheid in 'n bondel grappies. Almal moet dit kyk!” 

“Ek het nog nooit so lekker gelag en geleer terselfde tyd. Die show is soooooo spot on!!! Wat lekker is ‘n mens kan relate tot als. Ek het baie geleer en gaan beslis ‘n ding of 3 verander. Ek dink hierdie “Kinders by Dosyne” is Timothy Kieswetter se beste show nog ooit. Ek het dit so baie geniet. Dit is ‘n aanwins vir almal wat reeds kids het of wat even nou eers swanger is. #bestshowever” 

Kom lag en huil saam met my in my nuwe opvoedkundige komedie “Kinders by Dosyne” oor die uitdagings van moderne ouerskap en hoe om nog tyd te vind vir mekaar in die huwelik. Ek gaan vir jou die top 10 opfoeters uitwys wat ons as ouers onbewustelik doen teenoor ons kinders, wat eintlik hulle net opfoeter.

20, 21 Oktober | 19:00 | Hoërskool Durbanville Ouditorium | iTickets | R150 

P.S die 20ste Oktober is ‘n LIVE DVD opname, so as jy lekker kan lag, kom sit sommer heel voor.

Kliek hier vir jou kaartjies: https://itickets.co.za/events/383129

932

Kind Dissipline

Deel van ouerskap is om dissipline in die huis te leer. Dissipline het twee aspekte; 1) straf en 2) rigting aanwysing “guidance”.

Ek is nie ‘n groot “fan” van die straf gedeelte nie. Dit voel vir my ‘n bietjie uit oude doos uit. Ek glo ons is vandag emosioneel baie slimmer as dit en daarom vind ek baie meer voordeel in die tipe dissipline wat rigting aanwys en “guidance” gee vir die kind. (Staf is nie dieselfde as paksla nie, maar ek sal later meer oor paksla praat.)

Dissipline moenie vir jou kind leer wat hy of sy verkeerd gedoen het nie, maar eerder vir jou kinders leer wat om reg te doen.
Sien jou kind as ‘n klein boompie en die “guidance”-dissipline wat jy vir hom gee is die stok wat langs die boom in gedruk is om sekuriteit, beskerming en hulp te verleen om reguit te groei. Hierdie tipe dissipline, gee vir die boompie kans om eendag in ‘n groot boom te groei wat gesond en sterk is.

Waar straf-dissipline wat hoofsaaklik fokus op wat ons verkeerd doen, is soos om die klein boompie in ‘n baie streng en klein wettiese en straf boksie te sit. Die toekoms van hierdie boompie is beperk tot die spasie van die straf, oordeel, beperkings, verwerping, self-betwyfeling en trauma wat hy in geplant was en gaan opeindig om ‘n bonsai boompie te word.

 

Wat van pakslae?

My pa het altyd gepreek dat jy die rottang van wysheid moet neem tot die agterend van verstand, om ‘n boodskap in die brein te kry. Baie gewilde dissipline-styl, dit is selfs genoem in die Spreuke 23:13 “Moenie bang wees om jou kind te dissiplineer nie. Hy sal nie doodgaan van ‘n pakslae nie.”

Kriteria van ‘n gesonde pakslae. Jou kind mag nie daarvan doodgaan nie.

Baie ouers neem hierdie een vers en regverdig ‘n pakslae uit woede, maar soos wat ons altyd die Bybel as geheel lees en nooit net een vers ‘n dogma maak nie, geld dit vir kind dissiplinering ook.

Efesiërs 6:4 sê: “Pa’s, moenie julle kinders so behandel dat hulle verbitterd word nie, maar voed hulle op met dissipline en teregwysings wat die Here se goedkeuring wegdra.”

Baie keer gee ons vir ons kinders pak nie omdat dat dit vir hulle help of leer nie, maar net ons help om van ons woede, frustrasie en vernedering ontslae raak. Maar dit is verkeerd. Kind dissipline moet voordeel vir die kind in hou en nie vir jou nie.

Ons mag nooit uit ‘n plek van frustrasie, woede of vernedering jou kind tugtig nie, want dan gaan dit meer oor jou as wat dit oor jou kind gaan.

Dit laat my dink aan my kinderjare toe ek my pa hoor preek het oor hierdie onderwerp van pakslae. Hy het gepreek dat jy nooit jou kind mag pakslae gee wanneer jy kwaad is nie, wag maar eerder net 5 minute en dan tugtig jou kind. Die pakslae sal dan meer regverdig wees tot die kind se oortreding. Nou ek het nie altyd geluister in die kerk nie, maar hierdie preek het ek gevoel gaan ek kan gebruik in die toekoms. Dit was nie eers ‘n week later nie, toe ek weer my suster in trane het en ek histeries van die lag. My pa was so kwaad vir my gewees dat hy my dadelik gekonfronteer het met sy belt in sy slaan hand. In plaas van vrees wat gewoonlik my emosies oorneem teen die tyd, het ek vrede in my hard beleef en selfs geglimlag. Hierdie het my pa egter net meer briesend gemaak en vir my gevra/skreeu wat vind ek so snaaks?

Ek antwoord toe my pa oor hierdie baie goeie preek wat ek van hom gehoor het, dat hy nie mag pakslae gee terwyl hy kwaad is nie en dat hy eers 5 minute moet wag.

Hy storm toe by die kamer uit, sekerlik om daai preek uit sy leer te gaan skeur, maar dit het darem vir my genoeg tyd gegee om kamer toe te hardloop om al die onderbroeke in my klerekas te gaan aantrek.

Sien my pa kon regtig kwaai wees sonder om ons pakslae te gee. My pa hoef net hard met ons te geraas het en dit het alreeds die vrees van die Here in ons tuisgebring. Pakslae bo op dit was soms net te veel. Waar my ma aan die ander kant nodig gehad het om ons eerder pakslae te gee, want al het sy met ons geraas, het haar liggaamstaal net nie genoeg kwaai boodskappe oorgedra nie, daarom het haar raas ons nie te bang gemaak nie.

Daarom is dit ‘n goeie reël dat kwaai persoonlikhede kan maar die raas en hard praat tegniek gebruik om hulle kinders te dissiplineer, waar sagter persoonlikhede moet maar eerder pakslae gee en sonder om te hartseer te lyk om haar kinders pakslae te gee.

 

Dissipline is liefde

Spreuke 13:24 “Hy wat sy seun nie dissipline leer nie, het hom nie regtig lief nie. As hy hom liefhet, sal hy hom dissiplineer.”

 

Moet nooit jou kind net los nie. Of hulle klein is of groot is. Dit is jou rol as ouer om jou kind te help om verantwoordelikheid te neem vir hulle aksies en hulle goeie morele riglyne te leer. Maar in hierdie vers vind ons die hoof kriteria van enige dissipline. Dit moet gekoppel wees aan liefde. As jou kind nie voel dat jy hulle staf omdat jy hulle lief het nie, dan straf jy te hard.

P.S gee maar so 5 minute vir die kind om te besef jou dissipline was uit liefde gewees.

 

KINDERS BY DOSYNE 

In my volgende een-man opvoedkundige komedie “Kinders by Dosyne” gaan ek al die ouerskap opfoeters wat ons van vorige generasies geërf het, een vir een ontmasker en ‘n gesonder opvoeding ontbloot.

“Kinders by Dosyne” gaan jou laat skaterlag aan die eenkant en dan huis toe stuur met praktiese en gesonde opvoedings beginsels om seker te maak dat ons nie die volgende generasie opfoeter nie. In “Kinders by Dosyne” gaan ek ook met julle deel hoe ek en Janet steeds tyd maak vir mekaar al het ons “Kinders by Dosyne”, want die beste geskenk wat jy vir jou kind kan gee is ‘n mamma en pappa wat mekaar lief het.

Ek nooi julle uit om na die openingsaand van my splinternuwe opvoedkundige komedie "KINDERS BY DOSYNE" te kom kyk.

Ideaal vir 'n lekker aand uit sonder die kinders!

 

Pretoria openingsaand: 22, 23 September | Centurion teater | iTickets | https://itickets.co.za/events/383126

Kaapstad openingsaand: 20, 21 Oktober | HS Durbanville Ouditorium | iTickets |https://itickets.co.za/events/383129

P.S 20 Oktober is 'n live DVD opname, so as jy lekker kan lag, kom sit heel voor.

Kaartjies is alreeds besig om te vlieg. Moenie hierop uitmis nie! Bepreek vandag nog.

 

 

1314

Soos tradisie neem ek my dogters uit op hulle verjaarsdae, net ek en hulle, pappa en dogter. Ons gesels oor make-up, lollos, cupcakes, prinsesse en eendag oor seuns, soene en seks. Maar vir nou is Tenike net eers drie jaar oud en lollos, dit is.

Dit wat ek seker die meeste hoor na “Ag, cute” wanneer mense uitvind ek het 5 dogters, is “ek hoop jy het ‘n haalgeweer”, waar op ek altyd antwoord “Nee moenie laf wees nie, ek maak selfstandige, selfversekerde seksuele meisies groot en nie “damsels in distress” nie.

Die pappas wat gewere moet koop om die seuns weg te jaag van hulle dogters het duidelik nie genoeg in hulle dogters se selfwaarde en seksuele identiteit belê dat hulle nie vir hulself eendag ‘n besluit kan maak nie. (Waar die “damsel in distress” aan die ander kant wat nie vir haarself ‘n besluit kan maak nie en wat so desperaat is om gered te word deur haar prins op ‘n perd)

Ek gaan geen seun eendag nie wegjaag met ‘n geweer of met my nie-goedkeurende kyk nie. (Watse stupid ding leer ons vir ons dogters in elk geval met die dat daar nie ‘n seun daar buite is wat haar verdien nie, hoekom nie? Is my dogter dan van goud gemaak? Is alles seuns sleg?

Bog met beide van dit. My dogters is nie engeltjies nie, hulle is dames. En nie alle seuns is slegs nie, al het hulle net een ding op die brein. Dit is hoe die mens aan mekaar gesit is. So as jy ‘n “Barbie pop” wil grootmaak dan moet jy haar maar van alles seuns weg hou want hulle almal is seksuele. Maar as jy ‘n meisie-MENS grootmaak moet jy maar vinnig besef hulle is ook seksuelewesens en ek praat nou nie van die seksuele-mens wat daar is om haar man happy te hou nie. Die vrou is ‘n seks-mens in haar eie reg.

En as jy jou dogter grootmaak om nie bang te wees vir die seuns daar buite nie, en ook nie met die idee dat haar pappa dink sy is ‘n barbie-pop nie, maar ‘n selfstandige selfversekerde seksuele meisie-mens, dan is daar geen rede vir jou om ‘n geweet te koop nie. Want dit is nie jy wat kies-en-keur of beskerm nie, want SY sal dit vir haarself kan doen.

My boodskap aan die toekoms seuns wat wil kom vlerksleep by my dogters, is eenvoud. “Bring jou A-game dude”, want ek het jaar in en jaar uit in my dogters ingebou dat hulle is kostbare, selfstandige, unieke, kragtige, sensuele, intelligente, vrouens wat enige iets kan word, bemag en droom. Saam met dit het ek ‘n standaard gestel van hoe ‘n man haar moet behandel, respekteer en admireer. So bring dit jong late, want enige iets minder as die awesomeness van wat hulle pappa is, gaan nooit die belangstelling van my dogters genoeg prikkel om jou toe te laat om haar op ‘n 2de date te neem.

 

Hier wil ek ook ‘n waarheid/waarskuwing vir die ander pappas daar buite gee. Ek sien dit so veel in my berading dat baie pappas het baie goeie verhoudinge met hulle dogtertjies wanneer hulle klein is, maar sodra hulle puberteit slaan en in vrouens verander, onttrek die pa’s en sê snert soos: “Jy sal altyd my klein dogtertjie bly”

Hey! Word wakker pappa. Jou dogtertjie is nie ‘n Barbie-pop nie. Sy is nie gemaak van porselein nie. Sy is ‘n kragtige, dinamiese, sensuele vrou. En as jy dit nie kan raak sien en admireer en komplimenteer nie, gaan sy versoek wees om hierdie deel van haar mens-wees by die seuns daar buite tegaan kry.  (Dan het jy ‘n geweer nodig. Maar nie omdat die seuns daar buite sleg is nie. Maar eerder omdat jy as PA nooit jou dogtertjie as ‘n VROU raak gesien het nie.)

 

Dalk moet ek tog ‘n boek eendag skryf oor hoe om gesonde seksuele dogtertjies groot te maak. 

Gratis Eboek

Het jy al jou GRATIS e-Boek gedownload?


Jy kan die gratis ebook kry vol wenke en idees om die CEO van jou Huwelike te wees. Lees meer hier.

Twitter Feed

Kontak Ons

Adres:

698 Picassostraat, Moreletapark, Pretoria

Beradings ure:

Ma - Vr: 9:00 - 16:00

Telefoon:

Tel: 086 111 2329

Sel: 082 565 7373

Faks: 086 224 5948

Bly in Kontak

Volg ons op Twitter en Facebook.

Top