Gesonde Seks Blog

Blog oor Gesonde Seksualiteit

  • Home
    Home This is where you can find all the blog posts throughout the site.
  • Categories
    Categories Displays a list of categories from this blog.
  • Tags
    Tags Displays a list of tags that have been used in the blog.
  • Bloggers
    Bloggers Search for your favorite blogger from this site.
  • Login
    Login Login form
2022
iStock_000008203850Small

Die seksuele misdaad teen vrouens en kinders in Suid-Afrika is ’n nasionale skande. Dit is nie die tiepe skande wat net een kultuur of rasgroep in Suid-Afrika teister nie, maar almal. Dit is die mens se natuurlike instink om weg te draai van enige skande. Ons wil dit nie erken of eers daaroor praat nie, want “sies” is al wat ons kan uiter.

Dit is as gevolg van al hierdie “sies”, taboe en skaamheid oor ons seksualiteit dat ons almal slagoffers word van hierdie seksuele misdaad.

Ek het so baie briewe van mense van aansien in die gemeenskap en kerkleiers al gekry wat my blameer vir seksmisdaad en sê ek maak die volgende generasie se ‘rapists’ groot. Hoekom? Omdat ek openlik en eerlik praat oor seks. Gesonde Seks.

Ek dink dit is juis hierdie preutse  tiepe mense wat die kat aan die gat beet het of self die kat in die donker knyp.

Seksuele misdade is nie as gevolg van seksuele liberalisme nie, maar eerder seksuele onderdrukking. Wanneer ’n persoon sy gesonde seksuele gevoelens, fantasieë en begeertes moet begin onderdruk want hy is geleer dit is vuil, lelik en “sies”, hoe sterker gaan hierdie onderdrukte fantasieë en gevoelens groei in die rigting van iets werklik vuil, lelik en “sies”.

Kom ons neem die Katolieke kerk as voorbeeld. Dit is die kerk wat die meeste preuts is oor seksualiteit en ook die kerk waaruit baie seksuele kwale verskyn wat oor en oor onder die mat gevee word. Wat probeer ons hier doen? Die beeld van die kerk skoon hou terwyl ons gebroke mense in die slag los?

Ek blameer twee oortuigings in ons samelewing vir die hoë getal van seksuele oortredings in Suid-Afrika.

#1           Die man is die baas van die huis.

#2           Seks is ’n man ding.

Beide van hierdie stellings kan en word sterk verdedig en regverdig deur baie en los staande van mekaar sal die meeste oortuig wees van hierdie oortuigings.

Maar dit is wanneer albei hierdie oortuigings so diep in ons samelewing gebêre word, geglo word, dat verkragting maar net ’n normale uitvloeisel word, van die seksueel-onderdrukte atmosfeer wat ons preutsheid geskep het.

Want as die man die baas en die sterker en superior geslag is oor die vrou en seks is maar ’n man ding is, sal dit mos sin maak dat mans geregtig voel om net te vat wat en wanneer hulle wil.

Die laaste drie persone wie ek gesien het vir berading het hierdie twee oortuigings uitgelig vir my.

Persoon #1:

Terwyl haar stiefpa haar verkrag het tussen die ouderdom van 13 – 17 het hy elke keer die volgende vir haar gesê: “Ek maak jou net gereed vir jou huwelik eendag.”

Persoon #2:

Nadat die hoof ouderling haar gemolesteer het op die ouderdom van 7, het die pa sy dogter dadelik na die dominee toe geneem. Net om te hoor dat sy (7jarige dogtertjie) vir God moet bid en jammer sê vir haar sonde dat sy ’n man van God verlei het.

Persoon #3:

Op die bank van ’n sielkundige vertel hierdie vrou vir die man sielkundige van haar verkragting op die ouderdom van 13 deur die ‘jock’ van die skool. Die man sielkundige antwoord haar: “Verkrag is ’n bietjie van ’n sterk woord. Afgedwonge seks onder tieners is nie dieselfde as verkragting nie. Jy moet jou deel daarin erken.”

Solank soos wat seks slegs as ’n man-ding beskou word onder mans wat “baas” voel oor die skoner geslag, in ’n atmosfeer van seksuele onderdrukking en preutsheid, sal seksuele misdaad teenoor vrouens en kinders nooit end kry nie.

My boodskap vir die slagoffers: Die man is nie heerser oor jou nie. Jy is nie daar vir sy seksuele plesier nie. Jy is sy gelyke. Jou stem, jou gevoelens, jou NEE, beteken iets. Jy het jou eie seksualiteit, wat jy moet oppas en beskerm. Geen man mag by jou neem nie en as hy doen, moenie vir een oomblik die leuen glo dat jy dit wou gehad het, hom verlei het, of dat die pyn en seer wat jy voel ’n te sterk van ’n woord of gevoel is. Jy maak saak en daar is hoop en genesing vir jou!

©Gesonde Seks, Timothy Kieswetter 2013
Continue reading
1982

Image

Ontbyt in die bed en seks in die kombuis is Timothy Kieswetter se tweede boek waarin hy seks openlik bespreek en beoog om seks as deel van ’n gesonde huwelik te illustreer. Dit maak nie saak wie jy is nie, jy is as seksuele wese geskape met die doel dat seksualiteit vir jou ’n seëning sal wees en nie ’n straf nie. Gesonde Seks bevorder gesonde huwelike en vir te lank is die onderwerp van seksualiteit ’n taboe om oor te praat. Vir sommige paartjies is dit soms moeilik om die ‘gesondheid’ van seks raak te sien en die bedoeling met intimiteit te begryp, wat nog te sê dit in die fynste besonderhede te bespreek. In

 

 

 

Ontbyt in die bed en seks in die kombuis gee Timothy Kieswetter praktiese wenke (en ja, in die fynste besonderhede) hoe om Gesonde Seks te beoefen. Sy doel is om die persepsie dat seks vuil, sleg en lelik is te verander na dat seks ’n wonderlike deel van die huwelik uitmaak. Die boek gee praktiese voorbeelde van hoe om intimiteit in jou huwelik te bevorder en jou huweliksmaat se seksualiteit en sensualiteit te leer ken. ’n Moet-lees vir elke paartjie wat wil leer hoe om dit tussen die lakens warm te hou!

Intiem Tydskrif skryf:

Wat ‘n prettige en leersame boek! Het jy ooit gedink daar kan soveel tipes seks wees? Wel, in hierdie lekker-lees boek, lig Timothy Kieswetter jou nie net in nie, maar hy moedig jou aan om daad by woord te voeg. Die boek bestaan uit kort, toeganklike skryfstukke met verskeie metodes waarmee getroude paartjies hul sekslewens kan opkikker. By elke skryfstuk, is daar ‘huiswerk’ wat hiermee saamgaan. Die boek is beslis nie vir slaapkamerlammetjies nie en jou grense van gaan dalk getoets gaan word, maar dit is ‘n ‘veilige’ boek wat vanuit ‘n Christelike perspektief geskryf is.  Al ooit gehoor van Broek-seks, Skilpad-en-Haas seks en Multiplayer seks (nee, dit is nie ‘n threesome nie!)? Stof af jou stoute skoene en pak saam die boek “Ontbyt in die bed en seks in die kombuis – 52 weke tot ‘n beter sekslewe” aan. Dit is ‘n móét hê huiswerk-boek vir elke Suid-Afrikaanse getroude Christenpaartjie.

 

Bestel jou kopie vandag vanaf die Gesonde Seks website.

Die boek is ook beskikbaar as 'n Amazon Kindle e-book

Continue reading
1880
sturgis_womens_tank_top_hot_sexy_lady_t_shirt-p235526930834559116qzrf_400

Maar Ek sê vir julle: Elkeen wat na ‘n vrou kyk en haar begeer, het reeds in sy hart met haar egbreuk gepleeg.

In my Bybel is hierdie vers (Matteus 5:28) in rooi ink en nee dit is nie omdat ek dit probeer uitkrap het nie! Hierdie het Jesus in sy eie woorde gespreek en daarom moet ons regop sit en luister.

Kyk en bekeer!

Hoe dit vir my oorgekom het soos wat ek groot geword het in die kerk is dat jy moet kyk en bekeer. Dit was in my ingedril dat jy alle meisie soos jou suster moet behandel. (1Timoteos 5:1-2) Hierdie was ’n probleem want ek het al my suster se vriendinne anderste gesien as ek my suster gesien het.

Daar word onrealisties verwag dat ’n man se seksualiteit afgeskakel moet wees tot hy trou en dan wanneer hy getroud is behoort sy seksualiteit net aan sy vrou. Maar in werklikheid behoort elke persoon se seksualiteit aan hom of haarself. En sonder daardie kyk en begeer, sou geen man enige vrou gevra het om te trou nie.

Die hele kyk en bekeer boodskap is een wat die man skuldig laat voel oor sy seksualiteit, om hom te herinner dat hy net een ding op die brein het en om die punt huis toe te bring dat seksualiteit is eintlik iets vuils, lelik en verkeerd. Iets wat ons as Christen-mans moet van wegdraai en onsself van moet bekeer.

As die man gemaak is om visueel gestimuleer te word, hoekom dan is dit verkeerd om deur die visuele gestimuleer te word?

Kyk en begeer?

Kyk en begeer is normaal. Dit is ’n teken dat jy ’n gesonde volbloed man is. Jesus tydens Sy bergrede (Matteus 5) wys die mens na sy tekortkominge en maak dit baie duidelik dat sonder God se genade, sal niemand perfek kan wees nie. Jesus se bedoeling is nie om teen die man se seksualiteit te praat nie. Hy gebruik egbreuk en begeer as ’n voorbeeld om die mens op sy swakheid uit te wys. Begeer is ’n normale en gesonde deel van elke man se seksuele lewe. ’n Deel van sy menswees wat God vir hom gegee het. Maar dit is wanneer die man nie sy kyk en begeer kan beheer nie dat dit problematies begin word. Dit is amper asof die eerste kyk is onvermeidelik, maar die tweede kyk is ’n toets van jou karakter.

Kyk en bestuur

Die gevaar om skuldig te voel oor die begeer gedeelte en dit dan te probeer afskakel, is dat jy met jou seksuele DNA begin peuter wat baie groter gevolge vir jou gaan inhou. Hoe verder jy jou seksualiteit onderdruk, hoe groter gaan die uitval daarvan wees. Kom ons gebruik Koning Dawid as voorbeeld. Hy het vir Batseba gekyk, haar begeer en volgens my verstaan van seksualiteit en die Woord is dat dit alles nog ’n teken van ’n man met 20/20 visie is. Daarna het hy ondersoek gaan instel om te hoor wie sy was. Hier begin dit ’n bietjie dodgy raak, want hy maak planne om sy kyk en begeer na ’n ander vlak te neem. Hy het geen rede gehad om dit te doen nie, want op daardie stadium het hy meer as 3 ander vrouens alreeds gehad om aan sy seksuele behoeftes te voorsien.

Nadat hy uitgevind het sy is ’n getroude vrou, het hy nie homself daaraan gesteur nie en het ’n one night stand gehad met haar. Met ander woorde: hy het haar gebruik vir sy eie plesier. Hy het nie belanggestel in haar as mens nie. Hy wou nie met haar trou nie. Hy wou net sy eie plesier kielie en die hel met die res. Van daarvandaan was dit net afdraande vir hom waar hy geëindig het om moord te pleeg.

Dawid se probleem was nie dat hy Batseba aanloklik gevind het nie. Sy probleem was dat hy nie sy seksualiteit gesond kon bestuur nie. Seksuele sonde is wanneer jy net oor jouself omgee. En wat Jesus in Matteus 5 ook noem is dat dit beter is vir die man om sy oog uit te pluk of sy hand af te kap. Met ander woorde, die man moet soms sy eie begeertes bestuur in so ’n manier dat dit van homself gaan kos, byvoorbeeld soos Josef. Josef het begeertes gehad vir Potifar se vrou, maar hy het dit so bestuur dat hy gesê het hy sal nie teen sy God en sy baas “Potifar” kan sondig nie.

Begeer op sy eie is nie verkeerd nie, maar dit is waarna toe jy dit bestuur wat jou in die sop gaan laat beland.

 

Wonder jy ooit oor die manne genoem in die Bybel? Abraham, Dawid, Salomo? Het hulle ooit gesukkel met hulle seksualiteit en wat het die Bybel daaroor om te sê? - Ja, maak seker jy lees my boek "Wat Adam my van seks geleer het". Om meer te lees gaan na http://www.gesondeseks.co.za/index.php/boeke 

©Gesonde Seks, Timothy Kieswetter 2013
Continue reading
2174
AD_93889_SANTAJESUS

Kersfees is vir ’n Christen ’n baie belangrike fees en datum op die kalender. Selfs die Christen wat ongemaklik voel met al die ‘pagan’ rituele en kommersialisering daarvan wat in geglip het oor die jare, kan nie die belangrikheid van Kersfees, die geboorte van ons verlosser, Jesus Christus ignoreer nie.

Ek het die hele Desember maand gedink om iets op Gesonde Seks te skryf oor Kersfees, maar daar was geen Gesonde Seks angle wat ek kon vind nie. Jesus was egter by ’n maagd gebore!

Dit was tot en met ek ’n artikel vanoggend gelees het oor Jesus se aardse pa en Maria se man, Josef, wat my dwing om hierdie artikel te skryf: Gesonde “vader” Kersfees.

Ek weet daar is die mense wat baie passie voel oor sekere dinge en Kersfees is een van hulle en daarom begin ek sommer dadelik om te noem dat die doel met hierdie artikel is net om ’n Gesonde Seks les uit te lig en nie om jou siening en geloof rondom Kersfees te verander nie, wat ook al dit vir jou mag beteken.

Dink gou ’n bietjie aan al die Kersfees kaartjies wat jy al ooit gesien het, al die Kersfees liedjies wat jy al ooit gesing het, blyspele wat jy al gaan kyk het, in hoe baie van hulle het Josef ’n groot of enige rol gespeel?

Volgens die skrywer van die artikel wat ek gelees het vanoggend is een van die redes hoekom die Katolieke oor die jare Josef na die agtergrond toe geskryf het, was omdat hulle bang was dat die beeld van ’n man langs die ‘virgin-Mary’ ’n bietjie die ‘virgin’ gedeelte sou in betwyfeling bring.

Maar ongelukkig is daar ’n baie meer drukkende feit wat hierdie wegskuiwing van Jesus se aardse pa en Maria se liefdevolle man reflekteer van ons samelewing. Die afwesige vaderfiguur!

Die paar plekke waarin die Bybel na Josef verwys is alles goeie dele. Hy bly getrou aan Maria, al hoor hy die nuus dat sy swanger is deur Iemand anderste. Hy reël vir sy vrou skuilplek in ’n oorvol Betlehem. Nêrens praat die Bybel van enige vroedvrou wat rondgehang het nie, so dit is vir my aanneembaar dat Josef mos gehelp het met die geboorte van Jesus. Later het hy weer God gehoorsaam om sy vrou en pasgebore seun uit Betlehem te neem om weg te kruip in Egipte om te vlug van koning Herodes. Hierdie is die tweede keer wanneer Josef vir God moes glo met sy geloof en nie met sy Joodse verstand nie. Eers glo hy dat Maria swanger geword het deur God. (Baie vrouens het daardie verskoning al probeer sedert Maria maar ek twyfel of enige iemand dit weer sal glo.) En nou moet Josef, wat ’n Jood is met sy vrou en kind, wat ’n Joodse familie is, na Egipte toe vlug. Egipte vir die Jode hou nie regtig baie goeie herinneringe in nie. (Lees net einde Genesis en begin Eksodus as jy my nie glo nie.) Josef was ook die persoon wat Jesus sy ambag geleer van skrynwerker.

Dit is maar net van die paar verse wat wel na Josef verwys en dit is alles goeie dinge, hoeveel meer moes Josef vir Maria en Jesus beteken het?

So hoekom wil ons nie Josef as deel van die Kersfees storie maak nie? Kan dit net die seks rede wees? Wel, ek weet dat seks ’n onderwerp was wat die vroeë kerkvaders baie moeite gedoen het om te begrawe.

Wat ook al die rede was om Josef uit te skryf van Jesus se lewe, moet ons eenkant toe skryf en hom weer terug in die storie skryf.

Die wêreld is opsoek na ’n gesonde vader figuur en volgens die Bybel het Jesus nie net ’n goeie Hemelse Vader figuur gehad nie, maar het ook ’n gesonde aardse vader figuur gehad.

Maar omdat ons die gesonde vader figuur eenkant toe geskuif het, het daardie leemte gevul geword deur ’n ongesonde vader figuur, naamlik Vader Kersfees.

Die vader tiepe wat een keer ’n jaar opdaag om met geskenke die liefde van die kinders oor te wen. Vader Kersfees het die simbool van die hedendaagse vaderlose figuur geword.

Die vaderlose figuur wat geen emosionele konneksie of verhouding met sy familie hoef te vorm nie, solank soos wat hy materieel vir sy familie kan voorsien het hy sy rol as vader vervul.

Kinders wil, nee, benodig hulle vaders om daar te wees deur die hele jaar. Emosioneel daar te wees. Tyd te spandeer, aandag te gee en onvoorwaarlike lief te hê. Leiding te neem om seker te maak die familie word beskerm en soms beteken dit jy moet teen jou vaderlike verstand gaan en op jou geloof vertrou. Jesus het ’n gesonde vader figuur gehad, so my Gesonde “vader” Kersfees boodskap aan julle is om nie afwesige omkoop Vader Kersfees te naboots nie, maar om die tiepe gesonde betrokke vader eienskappe te naboots wat Jesus se Hemelse en aardse vader getoon het.

 

Jy kan hier die artikel lees: “The Hidden Man of Christmas: Putting St. Joseph back in the picture.” 

 
Continue reading

Gratis Eboek

Het jy al jou GRATIS e-Boek gedownload?


Jy kan die gratis ebook kry vol wenke en idees om die CEO van jou Huwelike te wees. Lees meer hier.

Twitter Feed

Kontak Ons

Adres:

698 Picassostraat, Moreletapark, Pretoria

Beradings ure:

Ma - Vr: 9:00 - 16:00

Telefoon:

Tel: 086 111 2329

Sel: 082 565 7373

Faks: 086 224 5948

Bly in Kontak

Volg ons op Twitter en Facebook.

Top