Gesonde Seks Blog

Blog oor Gesonde Seksualiteit

  • Home
    Home This is where you can find all the blog posts throughout the site.
  • Categories
    Categories Displays a list of categories from this blog.
  • Tags
    Tags Displays a list of tags that have been used in the blog.
  • Bloggers
    Bloggers Search for your favorite blogger from this site.
  • Login
    Login Login form
997

Kind Dissipline

Deel van ouerskap is om dissipline in die huis te leer. Dissipline het twee aspekte; 1) straf en 2) rigting aanwysing “guidance”.

Ek is nie ‘n groot “fan” van die straf gedeelte nie. Dit voel vir my ‘n bietjie uit oude doos uit. Ek glo ons is vandag emosioneel baie slimmer as dit en daarom vind ek baie meer voordeel in die tipe dissipline wat rigting aanwys en “guidance” gee vir die kind. (Staf is nie dieselfde as paksla nie, maar ek sal later meer oor paksla praat.)

Dissipline moenie vir jou kind leer wat hy of sy verkeerd gedoen het nie, maar eerder vir jou kinders leer wat om reg te doen.
Sien jou kind as ‘n klein boompie en die “guidance”-dissipline wat jy vir hom gee is die stok wat langs die boom in gedruk is om sekuriteit, beskerming en hulp te verleen om reguit te groei. Hierdie tipe dissipline, gee vir die boompie kans om eendag in ‘n groot boom te groei wat gesond en sterk is.

Waar straf-dissipline wat hoofsaaklik fokus op wat ons verkeerd doen, is soos om die klein boompie in ‘n baie streng en klein wettiese en straf boksie te sit. Die toekoms van hierdie boompie is beperk tot die spasie van die straf, oordeel, beperkings, verwerping, self-betwyfeling en trauma wat hy in geplant was en gaan opeindig om ‘n bonsai boompie te word.

 

Wat van pakslae?

My pa het altyd gepreek dat jy die rottang van wysheid moet neem tot die agterend van verstand, om ‘n boodskap in die brein te kry. Baie gewilde dissipline-styl, dit is selfs genoem in die Spreuke 23:13 “Moenie bang wees om jou kind te dissiplineer nie. Hy sal nie doodgaan van ‘n pakslae nie.”

Kriteria van ‘n gesonde pakslae. Jou kind mag nie daarvan doodgaan nie.

Baie ouers neem hierdie een vers en regverdig ‘n pakslae uit woede, maar soos wat ons altyd die Bybel as geheel lees en nooit net een vers ‘n dogma maak nie, geld dit vir kind dissiplinering ook.

Efesiërs 6:4 sê: “Pa’s, moenie julle kinders so behandel dat hulle verbitterd word nie, maar voed hulle op met dissipline en teregwysings wat die Here se goedkeuring wegdra.”

Baie keer gee ons vir ons kinders pak nie omdat dat dit vir hulle help of leer nie, maar net ons help om van ons woede, frustrasie en vernedering ontslae raak. Maar dit is verkeerd. Kind dissipline moet voordeel vir die kind in hou en nie vir jou nie.

Ons mag nooit uit ‘n plek van frustrasie, woede of vernedering jou kind tugtig nie, want dan gaan dit meer oor jou as wat dit oor jou kind gaan.

Dit laat my dink aan my kinderjare toe ek my pa hoor preek het oor hierdie onderwerp van pakslae. Hy het gepreek dat jy nooit jou kind mag pakslae gee wanneer jy kwaad is nie, wag maar eerder net 5 minute en dan tugtig jou kind. Die pakslae sal dan meer regverdig wees tot die kind se oortreding. Nou ek het nie altyd geluister in die kerk nie, maar hierdie preek het ek gevoel gaan ek kan gebruik in die toekoms. Dit was nie eers ‘n week later nie, toe ek weer my suster in trane het en ek histeries van die lag. My pa was so kwaad vir my gewees dat hy my dadelik gekonfronteer het met sy belt in sy slaan hand. In plaas van vrees wat gewoonlik my emosies oorneem teen die tyd, het ek vrede in my hard beleef en selfs geglimlag. Hierdie het my pa egter net meer briesend gemaak en vir my gevra/skreeu wat vind ek so snaaks?

Ek antwoord toe my pa oor hierdie baie goeie preek wat ek van hom gehoor het, dat hy nie mag pakslae gee terwyl hy kwaad is nie en dat hy eers 5 minute moet wag.

Hy storm toe by die kamer uit, sekerlik om daai preek uit sy leer te gaan skeur, maar dit het darem vir my genoeg tyd gegee om kamer toe te hardloop om al die onderbroeke in my klerekas te gaan aantrek.

Sien my pa kon regtig kwaai wees sonder om ons pakslae te gee. My pa hoef net hard met ons te geraas het en dit het alreeds die vrees van die Here in ons tuisgebring. Pakslae bo op dit was soms net te veel. Waar my ma aan die ander kant nodig gehad het om ons eerder pakslae te gee, want al het sy met ons geraas, het haar liggaamstaal net nie genoeg kwaai boodskappe oorgedra nie, daarom het haar raas ons nie te bang gemaak nie.

Daarom is dit ‘n goeie reël dat kwaai persoonlikhede kan maar die raas en hard praat tegniek gebruik om hulle kinders te dissiplineer, waar sagter persoonlikhede moet maar eerder pakslae gee en sonder om te hartseer te lyk om haar kinders pakslae te gee.

 

Dissipline is liefde

Spreuke 13:24 “Hy wat sy seun nie dissipline leer nie, het hom nie regtig lief nie. As hy hom liefhet, sal hy hom dissiplineer.”

 

Moet nooit jou kind net los nie. Of hulle klein is of groot is. Dit is jou rol as ouer om jou kind te help om verantwoordelikheid te neem vir hulle aksies en hulle goeie morele riglyne te leer. Maar in hierdie vers vind ons die hoof kriteria van enige dissipline. Dit moet gekoppel wees aan liefde. As jou kind nie voel dat jy hulle staf omdat jy hulle lief het nie, dan straf jy te hard.

P.S gee maar so 5 minute vir die kind om te besef jou dissipline was uit liefde gewees.

 

KINDERS BY DOSYNE 

In my volgende een-man opvoedkundige komedie “Kinders by Dosyne” gaan ek al die ouerskap opfoeters wat ons van vorige generasies geërf het, een vir een ontmasker en ‘n gesonder opvoeding ontbloot.

“Kinders by Dosyne” gaan jou laat skaterlag aan die eenkant en dan huis toe stuur met praktiese en gesonde opvoedings beginsels om seker te maak dat ons nie die volgende generasie opfoeter nie. In “Kinders by Dosyne” gaan ek ook met julle deel hoe ek en Janet steeds tyd maak vir mekaar al het ons “Kinders by Dosyne”, want die beste geskenk wat jy vir jou kind kan gee is ‘n mamma en pappa wat mekaar lief het.

Ek nooi julle uit om na die openingsaand van my splinternuwe opvoedkundige komedie "KINDERS BY DOSYNE" te kom kyk.

Ideaal vir 'n lekker aand uit sonder die kinders!

 

Pretoria openingsaand: 22, 23 September | Centurion teater | iTickets | https://itickets.co.za/events/383126

Kaapstad openingsaand: 20, 21 Oktober | HS Durbanville Ouditorium | iTickets |https://itickets.co.za/events/383129

P.S 20 Oktober is 'n live DVD opname, so as jy lekker kan lag, kom sit heel voor.

Kaartjies is alreeds besig om te vlieg. Moenie hierop uitmis nie! Bepreek vandag nog.

 

 

5257

 

Hoekom is dit so, dat wanneer ons vrouens vir ons vra om iets rondom die huis te fix kan dit tot twee jaar neem om ‘n kasdeur reg te maak, maar wanneer sy net van ons verwag om te luister, dan spring ons tot die uitdaging om haar emosies te ‘fix’?

  • Leer wanneer om die Alfa-man te wees en wanneer om jou sagter emosionele kant te wys.

Daar is niks beter as om jou vrou veilig te laat voel nie. En dit is die Alfa-man deel van jou, wanneer jy as koning, priester en profeet van jou huis optree. Maar wanneer jou vrou met ‘n emosionele probleem na jou toe kom, werk hierdie macho, Alfa-man rol nie so goed nie.

‘n Gesonde huwelik is een waar jy as man nie net leiding kan neem nie, maar een waar jy jou sagte kant wys. ‘n Deel van jou wat nie al die antwoorde het nie, ‘n deel van jou wat nie elke bul by die horings wil gryp nie. Maar eerder net iemand wat bereid is om in stilte te sit en luister en probeer verstaan.

  • Wat kommunikeer jy aan haar?

Elke keer wanneer jy iets wil ‘fix’ wanneer jou vrou net wil hê jy moet luister, is jy besig om aan haar te kommunikeer dat sy alleen is in die huwelik. Maar deur om simpatie te gee deur om haar hand vas te hou en toe te laat dat sy kan huil sonder om te vra “wat is nou fout?”. Om oog kontak te hou terwyl jy simpatiek luister of wanneer jy terug reflekteer dat jy haar emosies verstaan, bevestig jy vir haar dat sy nie alleen in die huwelik is nie, maar dat jy saam met haar in die huwelik is, nie net as die Alfa-man nie, maar ook as die Emosionele-man.

 

  • Twee dinge wat emosies verlang

Daar is slegs twee dinge wat emosies verlang: Om gedeel te word en om verstaan te word. So volgende keer as jou vrou na jou toe kom met haar emosies, laat toe dat sy dit met jou deel en wys haar jy verstaan, al doen jy nie 100% nie. Want die antwoord lê nie in wat jy moet doen of sê nie, maar eerder in die kans wat jy haar gun om haar hart met jou te deel.

 

Leer meer tegnieke hoe om jou beter te verstaan deur om op te teken vir ons Gesonde Seks VIP WhatsApp groep.
Kliek hier vir meer informasie: https://www.gesondeseks.co.za/index.php/mentorskap

2349

Ons almal maak belofte aanmekaar op ons troudag; om mekaar nooit te verlaat nie, mekaar lief te hê, te lei en te beskerm, om mekaar te eerbiedig en te help. En as jy in Engels trou; “for better, for worse, for richer, for poorer, in sickness and in health, until death do us part.”   

 

Hierdie is alles wonderlike beloftes, verseker die moeite werd om jouself gereeld aan te herinner en probeer te behou. Die probleem egter met hierdie beloftes op ons troudag is dat ons dit maak terwyl dit goed gaan met ons, terwyl ons verhouding op ‘n hoogtepunt is, terwyl ons nog verlief op mekaar voel. En ons almal weet dat wanneer ons goed voel is ons outomaties positief oor die toekoms en die beloftes wat ons maak raak makliker, want daar is ‘n deel van ons wat glo dat ons altyd so goed en lekker sal voel in ons verhouding met mekaar.

En om ons beloftes aan mekaar te hou terwyl dit goed gaan, is regtig nie so moeilik nie.

So paar jaar gelede, op hierdie dag, het die Voortrekkers hulleself op nie so ‘n goeie plek gevind nie. Hulle het sekere dood in die gesig gestaar soos wat die Zulu’s op hulle laer afgestorm het. Dit was in hierdie moeilike, slegte, gevaarlike plek in hulle lewe waar hulle ‘n gelofte aan God en aanmekaar gemaak het.

Hier staan ons voor die Heilige God van hemel en aarde om 'n gelofte aan Hom te doen, dat, as Hy ons sal beskerm en ons vyand in ons hand sal gee, ons die dag en datum elke jaar as 'n dankdag soos 'n Sabbat sal deurbring; en dat ons 'n huis tot Sy eer sal oprig waar dit Hom behaag, en dat ons ook aan ons kinders sal sê dat hulle met ons daarin moet deel tot nagedagtenis ook vir die opkomende geslagte. Want die eer van Sy naam sal verheerlik word deur die roem en die eer van oorwinning aan Hom te gee.”

My uitdaging vandag tot al die paartjies wat hierdie artikel lees is om nie net julle huwelik te bou op die beloftes wat julle gemaak het op julle troudag toe dit goedgegaan het met julle. Ek wil ook hê dat julle dieselfde beloftes aanmekaar en aan God moet maak wanneer dit sleg gaan met julle, wanneer julle skei oorweeg, wanneer julle ongelukkig is in julle huwelik. Dit is dan, juis dan, wanneer julle ‘n geloftedag in julle huwelik moet inbring.

Om die huwelik se vyand (skei) in die gesig te staar en nie toe te laat om met vrees oorweldig te word nie, maar om te bly staan en te baklei. Om aan jouself, aan jou maat en aan God ‘n belofte/kreet van hulp te maak. Help ons, red ons, herstel ons.

As jy jou huwelik dalk nou in ‘n slag van Bloedrivier vind, wil ek graag hê, dat jy jou eie geloftedag in jou huwelik aflê, en dat julle dit sal deur stuur na my toe om aan die onderkant van hierdie artikel aan te heg. En so lank soos wat die internet sal bestaan sal julle gelofte om te baklei vir die huwelik en die geluk daarin, op hierdie webblad sal bestaan, vir almal om te lees.

Gewoonlik plaas ek almal se boodskappe as anoniem, maar nie vandag nie. As julle as ‘n paartjies saam besluit om in julle moeilike tyd ‘n gelofte af te lê, gaan ons dit hier aan die onderkant van die artikel in julle naam plaas.

 

Stuur julle gelofte na Hierdie e-posadres word van Spambotte beskerm. Jy moet JavaScript ontsper om dit te lees. met julle naam en van.

2571

 

Ek dink ek het die oplossing opgespoor. Die antwoord lê met mikro-berading en nie met makro-berading nie. As ‘n huweliksberader is 80% van my kliënte vrouens, so ek weet eerstehands hoe moeilik dit is om mans te kry om in te stem vir huweliksberading. Ek dink nie dit is omdat mans nie wil verander nie, of dat hulle aspris moeilik wil wees nie. Ek dink dit het te doen met die manier hoe ons seun groot maak. Ons maak hulle groot met die idee om die hoof, priester en profeet van die huis te wees, hoe om die damsel in distress te red, om ‘n heer te wees vir sy vrou, om te ‘man up’ en om Superman in die huwelik te wees. Plus moet hy ook nog die primêre broodwinner ook nog wees.

Die probleem egter is ons mans daar buite is nie Superman nie. Ons is net gewone mans en nêrens in ons grootword narratief word daar vir ons geleer of gewys dat ‘n man ook ‘n af dag mag hê, nie weet hoe om iets te fix nie, nie ‘n antwoord het op ‘n vraag het nie, onseker is oor iets, bang is, hartseer mag wees of soms hulp mag vra van iemand anderste.

Ons word geleer die man moet almal beskerm, altyd alles kan fix, alles weet en alles kan doen.

As ons nou so ‘n man neem wat homself teen hierdie standaard van ‘manwees’ opmeet, eweskielik sê hy moet gaan vir berading, want daar iets iets fout met hom, hy doen iets verkeerd, sy kennis is te min. Wat gaan dit aan sy selfbeeld doen?

So die van julle wat die voorreg het om seuns groot te maak, leer hulle van ‘n jong ouderdom dat hulle ook mag mens wees. Leer hulle om hulleself te red voordat hulle die wêreld hoef te red.

Vir die van julle wat nou alreeds ‘n “Superman” man getrou het wat nie wil gaan vir berading nie, hier is wat ek voorstel. Mikro-berading!

Onthou terug voor die dae van GPS, het ons grappies gemaak oor die man wat weier om rigting aanwysings te neem. Hy ry na ‘n plek toe, raak verdwaal oppad soontoe. Moet stop, erken hy is verdwaal en kan nie homself help nie, iemand advies vra, nederig genoeg wees om daardie advies te volg en wanneer hy wel by die plek arriveer nooit die geleentheid kry om trots te voel dat hy self by die plek uit gekom het nie.

Dit kan ons vergelyk met makro-berading. Dit is wanneer jy so verdwaal is in jou huwelik tussen ongeluk en skei dat jy moet stop en vir iemand advies vra. (‘n Huweliksberader) Die meeste mans ongelukkig sal nie vir rigting aanwysings of vir huweliksberading vra nie. Want in sy kop ontneem dit hom om met trots by sy eindbestemming uit te kom op sy eie.

Maar gelukkig het tegnologie ons man-ego kom red. Die GPS. Niemand van ons verdwaal meer nie, want almal van ons selfs, die “Superman” man gebruik een. Dit neem nie weg van sy manlike ego nie. Die man word straat vir straat, draai vir draai rigting aanwysings gegee sonder dat hy voel dat hy advies kry. Want daar is nêrens waar hy moet stop, besef hy is verdwaal en vir help vra nie. Tegnologie omseil dit alles om “mikro-berading” of altans “mikro-rigting aanwysings” te gee nog voordat die man besef hy is verdwaal.

Toe ek 7 jaar terug begin met my loopbaan in huweliksberading en seks terapie wou ek nog altyd paartjies mentor. ‘n Pad met hulle stap om soos een van ons almal se gunsteling-haat liedjies “ek gaan jou nou stap vir stap verduidelik”, maar maak nie saak wat ek probeer het op Facebook, emails, aanlyn kursusse of weeklikse SMSe, kon ek net nie die regte tegnologiese platform kry om hierdie “mikro-berading” of GPS vir die huwelik vind nie.

Dit is, tot laas maand.

Laas maand het ons begin eksperimenteer met ‘n VIP WhatsApp groep en ek glo ek het die huwelik se GPS gevind. Die WhatsApp tegnologie bied die perfekte platform aan om “stap vir stap te verduidelik” en om nie die man se “Superman” ego te bedreig met “stop, herken hy is verdwaal en vra vir hulp nie”

Op ons Gesonde Seks VIP WhatsApp groep gaan die man berading en advies straat vir straat, draai vir draai ontvang, sonder dat hy voel daar word vir hom gepreek. Mikro-berading.

Ek het nog so baie om oor “mikro-berading” oor te gesels, maar eers wil ek terug keer tot die VIP WhatsApp groep om daar verder te gesels. So ek sal in ‘n volgende artikel vir jou vertel hoe mikro berading die klein jakkalse kan doodmaak voordat dit in die wit olifant in die kamer in verander.

 

Hier is alles wat jy ekstra kry as jy deel raak van die Gesonde Seks VIP WhatsApp groep:

  • ·         100% privaatheid en anonimiteit.
  • ·         Man en vrou word op die groep gelaai.
  • ·         Fokus op sekslewe, huwelik en persoonlike en emosionele groei.
  • ·         Individuele WhatsApp mikro berading en advies.40% Afslag op alle Gesonde Seks speelgoed en produkte.
  • ·         Ontvang alle NUWE Gesonde Seks produkte (boeke/dvd’s) absoluut GRATIS.
  • ·         GRATIS kaartjies vir “Die Stripshow” en ander GS praatjies in jou area.
  • ·         Weeklikse Podcasts.
  • ·         Gereelde assesserings toetse en uitslae.
  • ·         PLUS toegang tot al 24 van ons Mentorskap program se aanlyn kursusse.
  • ·         PLUS elke Vrydag ‘n Gesonde Seks wit warm SMS wenk.

Met ander woorde, hierdie VIP Gesonde Seks WhatsApp groep is soos om jou eie seksuoloog in jou sak te hê.

Die VIP Gesonde Seks WhatsApp groep gaan ‘n betaal diens wees soos ons Mentorskap/SMS program, waarvan jy enige tyd van kan kanselleer. Die VIP Gesonde Seks WhatsApp groep kos R250pm.

Die VIP WhatsApp groep begin offiseel eers Jan 2017, maar omdat ons net n sekere aantal mense op die groep gaan toe laat maak seker jy skryf solank in en wees deel van ons Nov/Des toetse.

 

 

Gratis Eboek

Het jy al jou GRATIS e-Boek gedownload?


Jy kan die gratis ebook kry vol wenke en idees om die CEO van jou Huwelike te wees. Lees meer hier.

Twitter Feed

Kontak Ons

Adres:

698 Picassostraat, Moreletapark, Pretoria

Beradings ure:

Ma - Vr: 9:00 - 16:00

Telefoon:

Tel: 086 111 2329

Sel: 082 565 7373

Faks: 086 224 5948

Bly in Kontak

Volg ons op Twitter en Facebook.

Top